دټول افغان او بینوا بنديدل ښيي چې رژيم د حق د اوریدو توان نه لري
23.09.2010 23:22دټول افغان او بینواب ریښناپاڼو د بندیدلو خبر چې دکابل دمزدورې ادارې دجنګي جنایتکارانو ، ملي خائینانو او وطندښمنه عناصرو له لوري لکه فهیم او ایراني اجنټ رهین له لوري ئې فرمان صادرشوئ دئ دا مسئله ښه په ډاګه کړه چې دکابل مزدوره او په فساد ککړه اداره دحق اورښتیا ویلو داوریدو او لوستلو توان نه لري اوهمدارنګه ددې واقعیت واضح ثبوت دئ چې په افغانستان کې دبیان دازادۍ ادعا چې غربي تجاوزګرانو او ددوئ کړۍ په غاړه غلامانو به یوه لویه لاسته راړنه بلله بیله فریب ،دروغو او دخلکو په سترګو کې دخاورو شیندلو نه بله مانا نه لري.
فهیم او رهین په دا ډول بزدلانه او ننګینو فیصلو سره خپله زبوني ،بې منطقي او خیانت نور هم روښانه کړاو دټول افغان او بینوا پاڼې چې دیوه میړني وولس دزړونود اواز منعکس کوونکي دي ،دملي ګټو او ملي ارزښتونو په سر هیڅ ډول معاملې اوسازش ته نه تسلمیږي او دجنایت کارانو او خائینانو دجنایت او خیانت په مقابل کې چوپه خوله نه پاته کیږي او تل به حقایق او واقعیتونه دخپل وولس ذهنونو او فکرونو ته رسوي خپل اعتبار په ملي او بین المللي کچه نور هم لوړ کړ .دا ډول اقدام دټول افغان او بینوا دپاره دافغانستان درسنیو په ډګر کې یو لوئ برئ دئ او زه ټول افغان او بینوا ته ددې بري مبارکي وایم .بد بختي به هغه وخت وه چې چپړاسي فهیم او ټکسيوان رهین دټول افغان او بینوا صفت کړئ وئ او خپل رضایت ئې لکه دنورو مزدورو رسنیو په شان ورڅخه ښکاره کړئ وئ. ددې خائینانو داډول دوارخطایئ نه ډک عکس العمل دا ښئي چې دوئ دټول افغان او بینوا دنشراتو نه ویریږي او په ټول افغان او بینوا کې یوڅه شته چې نه غواړي وولس هغه ولولي او پرې خبرشي.
ټول افغان اوبینوا به دافغانستان درسنیو په ډګر کې نور هم په ډیر جراات او وړتیا سره دخپل وولس تر څنګ دفاسدو،اجیرو او خائینو عناصرواو څیرو په رسوا کولو کې خپل ملي او انساني رسالت ادا کړي او د تل دپاره به دخپل وولس په زړونو کې ځائ ولري.
دکابل دخائینانو دعمر شپې په شمار دي اوپه دا ډول اقداماتو سره خپلو ګورونو ته فاصله په خپله لنډوي او خپل قبرونه په خپله کیندي. الله تعالی د هغه وخت ژر راولي چې افغان وولس ددې پلیدو عناصرودوجود نه خلاص شي.
د ټول افغان او بېنوا د بندېدو په اړه نورې ليکنې: