نظم
13.12.2014 14:36نه ژوند کی خوند شته نه رنګونه سړی چیرته لاړ شي
وطن نه جوړ دي دوزخونه سړی چیرته لاړ شي
سل جفاګانی ناروا وکړی پردو موږ سره
دی خپلو هم وکړل ظلمونه سړی چیرته لاړشي
کورنه وتل هم لکه غر په شانته زړه غواړی نن
خوا وشاه الوزی بمونه سړی چیرته لاړ شي
لکه د منی زیړی پاڼی دا الوتی څهری
حالاتو وړی تری خوندونه سړی چیرته لاړشی
د مازدیګر سوری په شان می په زړه سوری راشي
د غم نه ډک دی ماښامونه سړی چیرته لاړ شي
خدایه دا ستا ښکلی دنیا او په ښایسته زمکه کی
په موږه بل دی سره ا ورونه سړی چیرته لاړ شي
نه کور او کلی کی دی امن نه ښارونو کی دی
اخلی زور ورځ په ورځ جنګونه سړی چیرته لاړ شي
نه محتسب شته نه قاْضی فریاد څوک چاته وکړی
چاته سړی وکړی عرضونه سړی چیرته لاړ شي
سل ښاماران می د ملت په مری ناست دی راته
غوڅوی بیل بیل یی رګونه سړی چیرته لاړ شي
د بی احساسه انسانانو منځ کی ژوند دی دلته
ړانده کاڼه شول وجدانونه سړی چیرته لاړ شي
ساپیه هر چیرته که لاړ شې خلاصیدل دی نشته
تاته درغاړی دی غمونه سړی چیرته لاړ شي