د لوی، مهربان او بخښونکي خدای په نامه

غزل

نیکمل ځاځی 24.08.2016 12:31

د ليکوال څو نورې لیکنې

ټول

د زړه د درد پټه کیسه مې ته یې
له مینې ډکه خاطره مې ته یې

له بدو سترګو دې خدای ساته راته
د ښکلا میره یې ښایسته مې ته یې

سترګې مې تا باندې خوږې خوږې دي
د دواړو سترګو ننداره مې ته یې

خدای خو دې نکړي چې بې تا دې شمه
د ژوند امید د ژوند اسره مې ته یې

چې مې د زړه غمونه ورک شي پکې
د خوشحالۍ هغه شیبه مې ته یې

اول نیکمل زما دی پوه شوې کنه
دوهم نمبر کې یارانه مې ته یې