غزل
18.06.2013 15:39شاعــري ســړي تـه داســې یـو عذاب شي
چې دوه،درې ټـکو پـسې ځـیګر کباب شي
د تخــیل ګـرفــت ته هک پک حـیران وي
ان دنـنـه په ګــوګـل کــې زړه خوناب شي
تــه بـه وایــي د غــمــونــو ټـېکـه دار وي
زر ســوچونه لــري کـلــه ژر حساب شي
تر هـغـه کــاغذ او قلــم جــیب کـې ساتي
تر څو پورې چې پوره د ژوند کتاب شي
د هــر چا په درد ، دردېږي تل ژړېــږي
اخر به د اوښکو په سیند کې غرقاب شي
څــه د جانان څــه د جهــان څــه د اسلام
څــه د وطن په فــکرونـو کې خراب شي
احمدزیه پام چــې ته بـــې پښــتو نه شئ
کــه پښـــتو لاړه پېــښور بــه پنجاب شي