افغانستان د سکاټلینډ سره په دوه دوستانه یو ورځنیو لوبو کې مساوي شو

د افغانستان لومړۍ یو ورځنۍ لوبه د سکاټلینډ هیواد سره په ۱۶ د اګست وه چې افغان ملي لوبډلې له سکاټلینډ څخه په ۹  ویکټو وګټله، په ۳۱ اورونو کې یې سکاټلینډیانو ته ټاکل شوی هدف ۲۲۴ منډې د یو لوبغاړي په سوځیدلو پوره کړ.

په توپ وهنه کې د افغان ملي لوبډلې لوبغاړو کریم صادق او شهزاد محمدې سلیزې ووهلې او په توپ وهنه کې شاپور ځدران ۳ او سمیع الله شینواري د سکاټلینډ ۲ لوبغاړي وسوځول.

دویمه یو ورځنۍ لوبه چې د اګست په ۱۷ نېټه وه، سکاټلینډ په ۶ ویکټو له افغانستان څخه وګټله، سکاټلینډیانو افغان لوبغاړي په ۱۲۰ منډو په ۴۱ اورونو کې وسوځول. د سکاټلینډ هیواد ټاکل شوی هدف افغانانو ته په ۳۳ اورنو کې د ۴ لوبغاړو په سوځیدلو پوره کړ.

د کرکټ بورډ په يوه خبرپاڼه کې وايي چې په دویمه یو ورځنۍ لوبه کې د افغان ملي لوبډلې د توپ وهنې په وخت اورښت د افغان لوبډلې د توپ وهنې مخه ډب کړه، همدا لامل و چې افغان لوبغاړي ژر ژر وسوځیدل او د منډو جوړول پکې خورا ګران و، خو کله چې سکاټلینډ توپ وهنه پېل کړه نو بخت ورسره یاري وکړه، اسمان شین شو او پیچ هم د توپ وهنې لپاره ورته برابر شو.

د کرکټ بورډ زياتوي چې د سکاټلیډ هیواد سره دا دوه یو ورځنۍ لوبې دوستانه وې، ارزښتناکه لوبه د افغان ملي لوبډلې په دې سفر کې د انټر کانټینټل د جام څلور ورځنۍ لوبه وه چې افغانستان پکې سکاټلینډ ته په ۲۲۹ منډو ماتې ورکړه، افغان ملي لوبډلې د دې  څلور ورځنۍ لوبې ۲۰ نمرې خپلې او د دې جام د ۷ هیوادونو په سر کې ودرېد.

د افغانستان د لومړۍ یوې ورځنۍ لوبې د توپ وهنې بشپړه شمېر پاڼه:

د افغانستان د لومړۍ یوې ورځینۍ لوبې د توپ اچونې شمېر پاڼه:

 د سکاټلینډ سره د افغانستان د دویمې یو ورځنۍ لوبې د توپ وهنې بشپړه شمېر پاڼه:

د افغانستان د دویمې یوې ورځنۍ لوبې د توپ اچونې شمېر پاڼه: