د افغانستان او ايرلينډ لوبې (پايلوبې) انځوريز رپوټ

انځورونه د ټول افغان ملکيت دی او د ټول افغان د يادولو په صورت کې ترې ګټه پورته کول جواز لري.

لوبډله د لوبې له پيلېدو څخه مخکې تمرين کوي
پچه ايرلينډ وګټله او بيټنګ کول یې غوره کړل. دا پرېکړه د ايرلينډ لپاره سمه وه ځکه چې له دې یوه ګړۍ مخکې یې د هالينډ سره لوبه پای ته ورسېده او ډېر لوبغاړي یې ډېر سخت ستړي وو. خو د افغانستان په ګټه وه. کپتان نوروز منګل ټول افغان ته وويل چې که چېرته یې پچه ګټلی وای نو لومړی یې بيټنګ ځکه ايرلينډ ته ورکاوه چې وروسته پرخه غورزېده او توپ لمدېده چې افغاني توپ اچونکو ته یې توپ اچونه سختوله.
د لومړی ځل و چې افغان لوبډلې د شپې رڼا ګانو ته لوبه کوله. یواځې دوی ته بلکه په لوبغالي کې شته زرګونو افغانانو ته یې بې حده ډېر خوند ورکړ.

 
افغان ملي لوبډله له بري وروسته د لوبې د غوره لوبغاړي د اعلانولو په تمه ولاړه ده. شاته ګورﺉ چې زرګونه ښاغلي افغانان لا هم لکه لوبغالي د رڼا ګانو په شان ځلېږي او شور یې نه ودرېږي. د ننګرهار ملي راديو تلويزيون خبريال ايمل شېرزاد شايد په دې لوبو کې له لوبغاړو ډېرې منډې وهلي وي. نوموړي او کيمره مين نور احمد حبيبي په ډېر مهارت د لوبو ويډيوګانې ثبت کړي دي چې ډېر زر به د همدې تلويزيون له لارې خپرې شي.

د لوبې نور انځورونه:

 د افغانستان او ایرلینډ پايلوبې ) ۱۳ فروري ۲۰۱۰) دا لاندې انځورونه په دې پته کتلای شﺉ.