له وسله والو سره په جګړې کې د پاکستان 'دوه سرتېري وژل' شوي
د پاکستان پوځ وايي چې د وسله والو سره په یوې نښتې کې د دوی دوه سرتېري او اووه وسله وال وژل شوي دي.
امریکې او د جي سېون ملکونو د روس په ضد نوي پابندۍ اعلان کړې
امریکې د ګل یا دوشنبې په ورځ د جي سېون تنظیم غړو ملکونو په ګډه په اوکراېن د یرغل په سر په روس نوي بندیزونه اعلان کړي دي. د بندیزونو کې د روس د کارخانو او د ټېکنالوجۍ د صنعت د پاره ضروري شایانو او خدماتو ته رسايي هم شامل دي. واېټ هاوس ویلي دي چې امریکا به اوکراېن ته په لنډه موده کې د بودېجې یا بجټ د ضرورتونو د پاره د جي سيون تنظيم د هڅو په لړ کې د اووه اشاریه پنځه بلينه ډالرو د مرستې ژمنی کوي او دا چې حکومت يې په مثالي کچه تر اوږدې مودې پورې اوکراېن ته د مالي، بشري، پوځي او سياسي مرستو ژمنه کوي ترڅو چې ضرورت ولري. د امریکې د خوا اضافي بندیزونو کې په خاصه توګه د روس د فاع او دفاعي تحقیق په سرکاري ادارو، په جنګ کې د روس د وران شوي الاتو د بېا رغولو د روس توان راکمول او امرېکې ته د روس په سره زرو لېږلو بندیزونه شامل دي. یورپي چارواکو راېټرز خبري ادارې ته وېلی دي چې د اوکراېن صدر ولادوماېر زېلېنسکي د ګروپ اف سېون سرمشريزه غونډې ته په خپله وېنا کې په روس د نورو بندیزونو او اوکراېن ته د تحفظ د ضمانتونو ترڅنګ د جازونو نه د حفاظت نظام د ورکولو غوښتنه کړی. یورپي چارواکو خبري ادارې ته د نوم څرګندولو په شرط وېلی دي چې زېلېنسکي د اوکراېن د غنمو بهر هېوادونو ته په لېږلو او د هېواد په بيا ودانۍ کې د مرستو غوښتنه هم کړی. د روس ځواکونو نن د ګل په ورځ هم د اوکراېن په مشرقي ښار لېسيچېنسک باندې بمبارۍ ته دوام ورکړی. په سيورودونېسک باندې د قبضې نه پس روس هڅې کوي چې په لوهانسک صوبه کې د اوکراېن اخري علاقه هم ونيسي.د لوهانسک ګورنر سرحي هېدای وېلی دي چې د لوهانسک تباهي ويجاړونکی ده. هېدای په ښارکې باقي پاتې خلکو ته هم د ښار پريښودلو غږ کړی. د فرورۍ په مياشت کې د روس د یرغل نه وړاندې په ښار کې تر یو لاک پورې خلک پاتې کېدل. روس په ټول لوهانسک صوبه قبضه کړی ده. دا د اوکراېن د هاغې مشرقي ډونباس سيمې برخه ده چې روس يې د نیولو هڅې کوي. دا د روس د جنګ اهم حدف دی. روس د اتوار په ورځ د اوکراېن په دوو غټو ښارو خارکېف او سرښار کېف باندې د ميزاېلو بريد کړی. دکېف څارنوال ويتالي کلېسچکو وېلی دي چې په بريد کې دوه ودانۍ په نخښه شوی دي. دې وايي یو تن په بريد کې وژلی شوی او څلور نور ژوبل شوی دي. د امریکې صدر جوباېډن په کېف بريد د روس نور وحشت بللی دی. په تېره پېړۍ کې په اول ځل روس د اتوار په ورځ نړيوالو قرضو واپس کولو کې پاتې راغلی. روس ته د می په اوویشتمه نېټه په دوو بانډونو باندې سل ملينه ډالره سود ورکول وو. خو دې کې تر د دېرشتو ورځو پورې رعاېت وو.
پاکستان کې د کرونا پېښې بيا په زياتېدو شوي دي
په پاکستان د صحت قامي اداره وايي، په ټول هیواد کې د کرونا امیکرون کېسونو شرح 2.85% زیاته شوې او تر ټولو زیات کېسونه د سيند صوبې په کراچۍ ښار کې مخې ته راغلي چرته چې د مثبت کېسونو شرح 22فيصده ته رسېدلې ده.
د ښځو د حقونو ځینې فعالانې د طالبانو د 'عالمانو جرګې' ته خوشبینې نه دي
د طالبانو د دينې عالمانو لویه جرګه او د ښځو د حقونو د فعالانو اندېښنه
په زلزله ځپلو سیمو کې بشري فعالانو ته د کمپونو د جوړېدو غوښتنه شوې
د ملګرو ملتونو د بشري مرستو د همغږۍ اداره یا (OCHA) وايي، د مخابراتي شبکو او لارو خرابولي له امله په پکتیکا او خوست ولایتونو په زلزله ځپلو ولسوالیو کې د بشري فعالانو لپاره د کمپونو جوړول یوه جدي اړتیا ده.
شهباز شريف: نېشنل اېکشن پلان کې به د صوبو کردار بحال کړی شي
د پاکستان وزیراعظم شهباز شریف ويلي، په ملک کې د ترهګرۍ ضد جوړه قامي تګلاره "نېشنل اېکشن پلان به په صوبو کې بيا بحال کولی شي کوم چې په تيرو څلورو کلونو کې موجود نه وو، او په صوبو کې د ياد پلان د پامه غورځولو له امله ترهګري سېوا شوې ده".
د بشري حقونو نړیوال سازمانونه: طالبان باید 'ډله ییز مجازات' بند کړي
د بشري حقونو څار سازمان د سرپل ولایت په بلخاب ولسوالۍ کې د طالبانو لخوا د غچ اخیستونکو اقداماتو راپورونو خپرېدو په اړه اندېښنه ښودلې ده.
امریکا اوکراین ته د توغندیو د دفاع پرمختللی سیستم پیري: سرچینه
متحده ایالات ښایي په همدې روانې اوونۍ کې اعلان وکړي چې د اوکراین لپاره د توغنديو داسې پرمختللی سیستم پیري چې د لنډ او منځنۍ واټن توغندیو د دفاع وړتیا ولري.
سيند: د بلدياتي انتخاباتو په مهال د تشدد په پېښو کې دوه کسان وژل شوي
د پاکستان په سيند صوبه کې پرون د اتوار/ يکشنبې په ورځ [26 جون] ترسره شوو بلدياتي انتخاباتو کې د تشدد په پېښو کې لږ تر لږه دوه کسان وژل شوي او څو نور ژوبل شوي دي.
سوات: ضمني انتخابات پي ټي ايي ګټلي، اې اېن پي نتيجې رد کړي
د خېبرپښتونخوا په سوات کې پرون د صوبايۍ اسمبلۍ په حلقه [پي کی 7] ترسره شوو انتخاباتود غېر ختمي غېر سرکاري نتيجو ترمخه دغه څوکۍ په صوبه کې د واکمنه ګوند تحریک انصاف [پي ټي ايي] امېدوار ګټلې ده خو مخالفه عوامي نيشنل ګوند [اې اېن پي] دغه نتيجې رد کړي او د نتيجو چېلنج کولو يې ويلي دي.
د جنوبي افریقا د نڅا په یو کلب کې لږ تر لږه ۲۰ تنه مړه شوي
د جنوبي افریقا د ختیځ لندن په بندري ښار کې پولیس د نڅا په یو کلب کې د لږ تر لږه شلو کسانو د مړینې په هکله تحقیقات کوي.
د ترکیې جمهور رئیس د فنلنډ او سویډن د مشرانو سره ګوري
پداسې حال کې چې ټاکل شوې د ناټو د غړیو هیوادنو مشران د همدې روانې جون میاشتې په ۲۹ مې او ۳۰ مې د هسپانیې د مادرید په ښار کې جرګه شي، د ترکیې جمهور رئیس رجب طیب اردوغان یکشنبه جون ۲۶ (چنګاښ۵) ویلي چې د سویډن او فلنډ د مشرانو سره ګوري.
سهارنۍ خبري خپرونه
په دې نیم ساعته خپرونه کې د افغانستان او نړۍ تازه خبرونه، مهم رپوټونه، مطبوعاتو ته کتنه او مرکې شاملې دي.
عمران خان وایي د پنجاب ضمني انتخابات "د امپایر د مرستي بغیر هم" گټلی شي
پخواني وزیراعظم او د تحریک انصاف ډلې مشر عمران خان یو ځلي بیا تور لګولی چې اوسنی حکومت ورباندې مسلط کړی شوی او دعوې یې کړي چې "د امپایر د مرستې بغیر" پنجاب کې ضمني ټاکنې ګټلی شي. د پنجاب د صوبائي حلقې (PP-158) کې د تحریک انصاف د پلویانو سره وینا کې د ګوند مشر عمران خان وویل: "دغه غله په مونږ باندې مسلط کړل شوي دي او دوی په یوه لاره ټاکنې ګټلی شي چې امپایر یې ملاتړ وکړي، خو مونږ به دوی ته ماتې ورکوو، د دې سربېره چې امپایر به د دوی سره وي." د پاکستان الېکشن کمېشن د پنجاب د اعلی وزیر په ټاکنو کې د پي ټي آی د کاندید، چوهدري پروېز الهي په ځای د مسلم لیګ – ن ګوند کاندید حمزه شهباز ته ووټ اچولو سره، د صوبائي اسمبلۍ د ۲۵ مخالفو ممبرانو د غړیتوب ختمولو نوټیفکېشن جاري کړی و. د پنجاب اسمبلۍ د معلوماتو ترمخه، په دغه چوکیو به ضمني ټاکنې د جولائی په ۱۷مه نېټه ترسره شي. بل پلو ته د څېړونکو وینا ده چې د عمران خان دپاره به د اسټبلشمنټ بغیر د پنجاب ضمني انتخابات ګټل ممکنه نه وي. پاکستانی صحافي اوېس توحید وایي، عمران خان خپله یو اثر لري، خو دوی کال ۲۰۱۸ کې د اسټبلشمنټ د مرستې بغیر واک نشو تر لاسه کولی. اوېس توحید وي او اې ډیوه سره خبرو کې وویل: "عمران خان ګڼي چې د ادارې سره د دوی اختلافات د څه خلکو په اساس دي، خو دوی فکر نه کوي چې داسې څه دي موجود وي. د اوېس توحید په باور، د ادارې سره اختلاف په راتلونکي وخت کې د عمران خان په وړاندې نوې ستونزې رامنځ ته کولی شي. عمران خان د اپرېل په ۱۱مه نېټه د بې باورۍ تحریک د لارې، د وزیراعظمۍ د چوکۍ نه لېرې کړل شو. عمران خان د خپل د لېرې کولو تور، په امریکا او د ریاستي ادارو په مرستې، پر مخالفو ګوندونو لګولی دی. بل پلو امریکا د پاکستان په سیاست کې د لاسوهنې تورونه، وار په وار رد کړي دي. تاریخ که څه هم ښيي چې د هېواد په ټاکنو کې د اسټبلشمنټ یو رول پاته شوی دی، خو په دې وروستیو کې د پاکستان د پوځ ویاند، مېجر جنرل بابر افتخار په څرګنده ویلي چې پوځ دې د هېواد له سیاسته لېرې وساتل شي. د مخالفینو وینا ده چې عمران خان د خپلې نااهلۍ او په هېواد کې د اقتصادي بحران راپېدا کولو د سببه، د ګوند و ملګرو له اړخه رد کړی شوی چې د چوکۍ څخه د لېرې کېدو سبب یې ګرځېدلی و. تحریک انصاف ګوند په سېند کې کېدونکو بلدیاتي انتخاباتو کې هم د غلطۍ او درغلۍ تورونه لګولي دي. د ګوند مشر عمران خان د یو ټویټ د لارې، د دوی د ګوند د کاندیدانو د ېرولو، او ځورولو تورونه لګولي دي. د رپوټونو ترمخه، د سېند صوبې په بلدیاتي ټاکنو کې په لوی شمېر چوکۍ تر لاسه کوونکي پیپلز ګوند، په وفاق کې د دوی ملګري متحده قومي موومنټ او د پي ډي اېم ائتلاف غړي جمعیت علمای اسلام هم د درغلۍ تورونه لګولي او ویل کیږي چې په بلدیاتي ټاکنو کې الېکشن کمېشن د خپلې ذمه وارۍ په ترسره کولو کې پاته راغلی دی. بل پلو ته پیپلز ګوند دغه تورونه ردوي او د ګوند مشر بلاول بهټو زرداري خپل یوه ټویټ کې ویلي چې مخالفین یې د بایللو وروسته، د مایوسئ ښکار دي او د تشدد دړکۍ ورکول کیږي. په سېند کې کېدونکې بلدیاتي انتخاباتو کې د تشدد په پېښو کې د مطبوعاتي رپوټونو ترمخه، دوه تنه مړه او یو شمېر نور ټپیان شوي دي.
زلزله ځپلو ته د مرستو رسېدو په لاره کې ویجاړ سرکونه او نور خنډونه
د افغانستان په جنوب ختیځ کې د زلزلې راهیسې پنځه ورځې تیريږي. د اسوشیټډ پرس د خبر په اساس، د پکتیکا او خوست ځینو سختو ځپل شویو سیمو ته د ویجاړو شویو لارو او خرابو سرکونو له آمله لا تر اوسه کافي مرسته نده رسېدلې. د پکتیکا د ګیان د ولسوالۍ اوسېدونکی نعیم ګل چې د خټو او ډبرو جوړ کور یې د چهارشنبې په زلزله کې ویجاړ شوی او پلار او دوه خویندې یې پکې وژل شوي دي، د مرستو کمښت ته اندېښمن دی. نعیم ګل نن یکشبنې ۲۶ جون (چنګاښ ۵) اسوشیټد پرس ته وویل: "نه پوهیږم چې موږ به څه کوو او خپل ژوند څنګه بیرته پیل کړو. د بیا رغونې دپاره پیسې هم نلرو". د پکتیکا او خوست په زرګونو نوري کورنۍ هم همدا اندېښنه لري. په دغه سیمه کې له وړاندې اقتصادي ستوزې وې خو زلزلې ددغه ځای د اوسېدونکو ژوند ډیر سخت کړی دی. طالبانو چې پیسې او امکانات ورسره محدود دي، پر نړیوالو د مرستې غږ کړی دی. د شبنې په ورځ د طالبانو حکومت یو ځل بیا له واشنګټن څخه وغوښتل چې د افغانستان اووه میلیارد ډالر کنګل شوي پیسې خلاصې کړي. ملګرو ملتونو، نړیوالو مرستندویه موسسو او ځینو هېوادونو افغانستان ته د مرستو لیږل پیل کړي دي. چین پرون د ۷.۷ میلیون ډالرو عاجلو بشري مرستو اعلان وکړ. ایران، پاکستان، جنوبي کوریا، متحده عربي اماراتو او قطر له وړاندې زلزله ځپلو ته خیمې، البسه او د اړتیا وړ نور توکي لېږلي دي. د افغانستان دپاره د ملګرو ملتونو ځانګړي آستازی، رامیز الکباروف پرون په پکتیکا کې زیانمنې شوې سیمې ته ورغلی وو چې د مرستو د وېش بهیر له نږدې وویني. د ملګرو ملتونو په ډوډۍ، اوړو، وریجو، کمپلو او نورو اړینو توکو بار ټرکونه دغه سیمې ته رسېدلي دي. خو د پیسو او ضروري وسایلو کمښت د مرستو رسولو چارې ټکنۍ کړي دي. په لوجیستیکي او نورو برخو کې دغه محدودیتونه د طالبانو لپاره هم ستره آزموینه ده چې څنګه د ویجاړو شویو کورونو خاورې خځلې لرې کړي او ځپل شویو کورنیو ته مرستې ورسوي. په ډیرو ځپل شویو کلیو کې مړي په ډلییزو قبرونو کې دفن شوي دي. د ملګرو ملتونو د بشري مرستو د غمغږئ د ادارې (OCHA) د معلوماتو له مخې، نږدې ۸۰۰ کورنۍ بې سرپناه پاتې دي. د ګیان د ولسوالۍ نعیم ګل ته د یوې سیمییزي خیریه ټولنې لخوا یوه خیمه او څو کمپلې ورکړل شوي دي. خو هغه او د کورنۍ ژوندي پاتې غړي یې چې په زلزله کې یې هر څه له لاسه ورکړي دي، باید خپل چاره پخپله وکړي. افغانستان په تېر اګست کې، واک ته د طالبانو د رسېدلو راهیسې، د نړیوالو مرستو د درېدو له آمله له سخت اقتصادي مشکل سره مخامخ دی او زلزلې د خلکو ژوند نور هم سخت کړی دی. د لویدیځ مرسته کوونکو هېوادونو خپلې اوږد مهالې مرستې بندې کړي او له طالبانو یې غوښتي چې یو ټول شموله حکومت جوړ کړي او بشري حقونو ته احترام وکړي. اوس د افغانستان د ۳۹ میلیونه نفوس نږدې نیمايي د خوراکي موادو له سخت کمښت سره مخامخ دی. د دولتي ادارو ډاکترانو، ښوونکو او نورو کارکوونکو په میاشتو خپل معاش نه دی اخیستی. د ملګرو ملتونو مرستندویه ادارې هڅه کوي چې اړمنو افغانانو ته خواړه ورسوي، د عامې روغتیا سیستم فعال وساتي او افغانستان له یوه بشري ناورین او لوږې څخه وژغوري. د پکتیکا او خوست په لیرې پرتو سیمو کې چې د چهارشنبې زلزلې سختې ځپلي دي، امکانات له وړاندې کم وو. د افغانستان ځینې شتمن کسان او سوداګر لاس په کار شوي دي. د افغانستان د پانګونې او سوداګرئ خونو نن اعلان وکړ چې د پکتیکا او خوست دپاره یې یو نیم میلیون ډالر راغونډ کړي دي. خو د ډیرو ځپل شویو کورنیو دپاره چې په زلزله کې یې کورونه ړنګ شوي دي، کیدای شي دا مرستې هم کافي نه وي.
