د اوښکو چاردیوال
04.12.2007 21:36
ته د عشق په ټال کې زانګې زه بې مینې بې پروا یم
په غزل مې ویشتي زړونه په ښکاري ژبه ګویا یم
ته ملنګ یې درویزګره صدقه غواړې د شونډو
سپیره ګوډۍ دې په غاړه زه ټولواک غوندې پاچا یم
زه مالکه د دې سیمې چې ښایست یې خلک بولي
زه د وړانګو انځورګره زه د څرک غوندې رڼا یم
ما د حسن مورچل فتح په جادو د خپل غزل کړ
چې نړۍ ورپسې ستړې د رنګونو یوه نڅا یم
د آسمان رخسار ته هسکه د لېمو په کور کې ناسته
د ځیګر بوخڅې ته کوزه عجیبه غوندې معما یم
ما شکرې د لفظونو درلیږلې نوش جان کړه
په لمدو سترګو یې موښه زه تاویز د ستر ملا یم
ستا د اوښکو چاردیوال کې مې جونګړه ده آباده
واخ په ځمکه باندې لویږم زه خو دا رنګه دنیا یم
په غزل مې ویشتي زړونه په ښکاري ژبه ګویا یم
ته ملنګ یې درویزګره صدقه غواړې د شونډو
سپیره ګوډۍ دې په غاړه زه ټولواک غوندې پاچا یم
زه مالکه د دې سیمې چې ښایست یې خلک بولي
زه د وړانګو انځورګره زه د څرک غوندې رڼا یم
ما د حسن مورچل فتح په جادو د خپل غزل کړ
چې نړۍ ورپسې ستړې د رنګونو یوه نڅا یم
د آسمان رخسار ته هسکه د لېمو په کور کې ناسته
د ځیګر بوخڅې ته کوزه عجیبه غوندې معما یم
ما شکرې د لفظونو درلیږلې نوش جان کړه
په لمدو سترګو یې موښه زه تاویز د ستر ملا یم
ستا د اوښکو چاردیوال کې مې جونګړه ده آباده
واخ په ځمکه باندې لویږم زه خو دا رنګه دنیا یم