د لوی، مهربان او بخښونکي خدای په نامه

غزل

معروف افغان 27.08.2012 10:39

غمونه دې اشنا لكه كاروان ځي راځي
قاصد مې قتل كېږي يو ارمان ځي راځي

تر څو مې خپله كړې نه وي نه ترېنه صبرېږم
چې ګرانې ته مې هر وخت رېباران ځي راځي

خاموشه غوندې راشي او خاموشه غوندې ولاړ شي
رېباره دا څه چل دى چې مې ګران ځي راځي

شاېد چې يې د ګرلان نوم اورېدلى وي دا ځكه
د كلي په هوا كې مو مرغان ځي راځي

ملګريه ته شاهد يې او كه نه چې دا يې وېلې!
( معروفه ) ستا په شونډو سره لبان ځي راځي
۲۲-۱-۱۳۹۱