د لوی، مهربان او بخښونکي خدای په نامه

آسيا ۲۰/۲۰:افغانستان چين ته په ۹ ويکټو ماتې ورکړه

الهام الحق ياسيني 22.11.2009 08:09

د آسيا د ۲۰/۲۰ په سيالۍ کې افغانستان خپله لومړۍ لوبه له چين څخه په ۹ ويکټو وګټله. د چين لوبډلې پچه وګټله او توپ وهنه یې غوره کړل. افغانستان د چين ټوله لوبډله په ۳۶ منډو وسوځوله او ټاکلی هدف یې په ۴ اورونو کې د یو کس په سوځېدو پوره کړ. د افغانستان ننۍ لوبه د شارجې د الذيد په نامه سيمه کې د الذيد په کرکټ لوبغالي کې ترسره شوه. سبا ته د افغانستان لوبه د شارجې په کرکټ لوبغالي کې کېږي.

هېواد منډې اورونه سوځېدلي
افغانستان  ۴۰  ۴  ۱
چين  ۳۶  ۱۷  ټول

په افغان ملي لوبډله کې نوې څېرې عبيدالله کونړی، شبير نوري، او بادشاه حسين دي. ميرويس اشرف هم - چې په ارجنټاين کې د درېم پړاو په لوبو کې لوبېدلی و او وروسته بيا په لوبډله کې نه و - په دې سيالۍ کې شته دی.

کريم صادق چې زيمبابوی او هالينډ په څلور ورځنيو لوبو کې خفه شوی و، په دې سياليو کې شته دی خو ورور یې (هستي ګل ) په لوبډله کې شامل نه دی.

نور لوبغاړي: نوروز منګل، محد نبي، حميد حسن، سميع الله شينواری، شفيق الله شفق، نور علي، شهزاد محمدي، خالقداد نوري، او شاپور ځدراڼ دي.

د يادونې وړ ده چې په لوبډله کې ريس احمدزی - چې د لوبډلی پخوانی کپتان دی - شامل نه دی. دا ځل په لوبډله کې محمد اصغر او دولت احمدزی هم نشته دی.

د سيالۍ د مهالويش لپاره دې ځای ته ټک ورکړﺉ.