غني پاکستان ته: انتخاب ستاسو دی، خوښه مو چې دوستي کوئ که دښمني
افغان ولسمشر محمد اشرف غني وايي، که افغانستان نا ارامه وي پاکستان به هم نا ارامه وي او په وینا یې که پاکستان د افغانستان هوساینه غواړي دوی هم هوسا شي.
دتحریک لبیک دمشر سعد رضوي نوم دشکمنو ترهګرو نوملړ ته واچول شو
دپاکستان حکومت دناچله ګرځول شوې تندروه مذهبي ډلې تحریک لبیک پاکستان د مشر سعد رضوي نوم د شکمنو ترهګرو نوملړ کې اچولی اؤ دهغه ټول جائیدادونه اؤ پنګې یې ګنګل کړي دي.
ننګرهار کې وسله والو اته لمونځ کوونکي وژلي
د ننګرهار ولایت جلال اباد ښار نهمې ناحیې سراچه علي خان سیمه کې وسله والو تېر ماخستن نهه بجې د یوې کورنۍ اته کسان داسې مهال وژلي د ماخستن تراویح یې کولې.
پاکستان کې دکرونا وایرس نورې تر شپږو زرو زیاتې پېښې مخې ته راغلي،149 کسان مړه
دسږکال په اوږدو کې پاکستان کې دتېر یو شواروز په مهال دکرونا وایرس له امله تر ټولو زیات 149 کسان مړه شوي اؤ 6127 نورو تنانو ته دا وایرس ورپورې شوی دی.
د آشنا تلویزیون د شنبې خپرونه
د افغانستان، سیمې او نړۍ تازه خبرونه او ډیر نور په زړه پوري راپورونه
روسیه او اوکراین د یو بل دپلوماتان شړي
روسیې د اوکراین په یو دپلومات تور لګولی چې د محرمو معلوماتو د تر لاسه کولو هڅه یې کړې او امر یې کړی چې باید د همدې اپریل د میاشتې تر ۲۲ مې د هیواده ووځي
کورونا وېروس: په نړۍ کې د مړو شویو کسانو شمېر له درې میلیونو واوښت
د جان هاپکنز پوهنتون تازه معلومات ښيي، د هغو کسانو شمېر له درې میلیونه اوښتی چې د کوویډ-۱۹ ناروغۍ له کبله مړه شوي دي. په ورته مهال د روغتیا نړیوال سازمان'ډبلیو ایچ او' مشر خبرداری ورکړی چې نړۍ ''د ناروغانو تر ټولو لوړ شمېر''ته رسېږي. په هند کې د کوویډ - ۱۹ دویمې څپې له کبله یوازې د شنبې پر ورځ د نویو ناروغانو ۲۳۰ زره نومونه ثبت شوي دي.
له کورونا څخه مړینه له درې میلینو زیاته شوې
واشنګټن – د جان هاپکنز پوهنتون د کورونا مرکز وايي، کورونا په نړۍ کې تر درې ملیونو زیات کسان مړه کړي دي. د کورونا مړینه په داسې حال کې له درې میلیونو څخه زیاته شوې چې نړیوال هڅه کوي د واکسین بهیر ګړندی کړي تر څو دغه وبا کنټرول شي. بل پلو د نړۍ په اکثرو برخو کې د کورونا په نویو پېښو کې هم زیاتوالی راغلی. هندوستان چې د واکسین له سترو جوړونکو څخه دی د خالي یا شنبې په ورځ اعلان وکړ چې په تېرو ۲۴ ساعتونو کې یې د کورونا تر ۲۳۰۰۰۰ زیاتې نوې پېښې موندلې دي. که څه هم په امریکا کې هره ورځ په میلیونونو کسانو ته واکسین ورکول کېږي خو دغه هېواد اوس هم د کورونا د زیاتو پېښو له پلوه تر نورو مخکې دی. جان هاپکنز راپور ورکوي، چې په امریکا کې د نړۍ د ۱۴۰ میلیونو پېښو څخه ۳۱.۵ میلیونه د کورونا کېسونه لري. امریکا پسې هندوستان د ۱۴.۵ میلینه کېسونو سره دوهم او برازیل د ۱۳.۸ میلینه پېښو سره دریم ځای لري. د کاناډا تر ټولو لوی ایالت کې د کورونا د پېښو له زیاتېدو سره په نوي سخت ګامونه اخېستل شوي دي. د اونتاریو اوستوګن به اوس د کورونا له اخېستلو وروسته شپږ اونۍ په خپلو کورونو کې قرنطین کېږي چې دا د تجرید د تېرې مودې څخه دوه اونۍ زیات وخت دی. په دغه ایالت کې پولیسو ته اوس دا نوی واک ورکړل شوی چې له کور څخه د وتلو پر وخت له خلکو پوښتنه وکړي. همدارنګه ددغه ایالت د اوسېدونکو په غیر ضروري سفرونو باندې هم بندیز لګول شوی او په کیوبېک او منېتوبا سرحدونو سره ورته چېک پاینټونه جوړ شوي. د ایټالیا لومړي وزیر ماریو دراغي د جمعې په ورځ اعلان وکړ چې دغه هېواد به د اپرېل له ۲۶ مې څخه ځینې بندیزونه نرم کړي. د اعلان په همدې ورځ د روغتیا نړیوالې ادارې په نړۍ کې د کورونا د نویو پېښو د زیاتوالي په اړه اندېښنه څرګنده کړې.
ایران: د نطنز په اتومي بټۍ برید کوونکی د هیواده تښتیدلی
ایران د نطنز په اتومي بټۍ کې د مشکوک برید کوونکي هویت په ډاګه کړی او ویلي یې دي چې دغه شخص په بټۍ کې د ورانکارۍ د پېښې نه څو ساعته وړاندې د هیواده بهر تښتیدلی.
امریکايي عسکر به څه ډول له افغانستان څخه وځي؟
پداسې حال کې امریکا د افغانستان نه د عسکرو د ایستلو اعلان کړی خو لا هم پدې هکله پوره جزیات ندي ورکړل شوي چې دا عسکر به څه ډول له افغانستان څخه وځي.
د افغانستان د بیان ازادۍ کور انیسه شهید د کال غوره خبریاله اعلان کړه
د افغانستان د بیان ازادۍ کورد شنبې په ورځ انېسه شهید د۱۴۰۰ کال د غوره خبریالې په نوګه وپېژندله او ورسره یې، د خبریالانو د هدفي وژنو په درېدو او د خبریالانو پر وړاندې د وژنو او تاوتریخوالي قضیو ته د رسېدنې غوښتنه وکړه. دغه بنسټ د یوې خبرپاڼې په خپرولو سره د سولې خبرو په پای ته رسېدو سره د بیان ازادي او خبریالانو د ژوند په خوندیتوب ټینګار وکړ. د افغانستان د بیان ازادۍ د کور په خبرپاڼه کې راغلي چې رسنۍ باید د سولې خبرو اترو جزئیاتو ته لاسرسی ولري او ترڅنګ یې د رسنیو او مدني ټولنو استازي باید د سولې په مذاکراتو کې حضور ولري. په خبرپاڼه کې راغلي چې اطلاعاتو ته د لاسرسي قانون، د ډله ییزو رسنیو قانون او د بیان ازادۍ تضمین لپاره باید یو حقوقي چوکاټ رامنځ ته شي. په ورته وخت کې د افغانستان د اطلاعاتو فرهنګ وزار سرپرست طاهر زهیر وویل چې بیان ازادي او رسنۍ د افغانو لپاره یو د پام وړ لاسته راوړنه شمېرل کېږي: "دا یوه منل شوې لاسته راوړنه ده چې ټول ورباندې اجماع لري، په دې کې د بیان ازادي، د میډیا وده او د چاپي رسنیو پراختیا او نور شامل دي. دا د ملت - دولت او په افغانستان کې د هرچا لاسته راوړنه ده." په ورته وخت کې په افغانستان کې روان وضعیت او په ځانګړي ډول د سولې ناڅرګند برخلیک او له افغانستانه د بهرنیو ځواکونو وتلو د یو شمېر خبریالانو اندېښنې راپارولي دي. افغان خبریاله هوسۍ احمدزی وايي: "د افغانستان اوسني وضعیت په ځانګړي ډول هدفي وژنو او زموږ د یو شمېر همکارانو وژل کېدو موږ سخت اندېښمن کړي یو، دغه د افغان خبریالانو شل کلنې لاسه راوړنې او له افغانستانه د بهرنیو ځواکونو وتل به څنګه شي؟" په ورته وخت کې له ازادو رسنیو نه د ملاتړ ادارې 'نی' اجرائیوي رئیس مجیب خلوتګر وايي، د بهرنیو ځواکونو له وتلو وروسته به د جګړې دوام د رسنیو فعالیت له ستونزو سره مخ کړي: "که موږ د جګړې د دوام شاهدان اووسو د بیان ازادي، د خبریالانو او رسنیو ازادي له ستونزو سره مخ کېږي، هیله ده چې له ټولو ارزښتونو، د بیان د ازادۍ له ارزښت ملاتړ وشي." دا اندېښنې په داسې حال کې مطرح کېږي چې په څو وروستیو میاشتو کې پر خبریالانو، د رسنیو پر کارکوونکو او مدني فعالانو بریدونه زیات شوي دي. افغان حکومت طالبان د دغه بریدونو مسوول ګڼي، خو طالبانو تل دا ادعاوې رد کړي او ویلي چې په دې بریدونو کې لاس نه لري.
نړۍ کې د کرونا له کبله د مړو شمېر تر ۳میلیون واوښت
په نړۍ کې د کروناویروس له کبله د مړو شمېر تر دریو میلیون واوښت او دامهال د دغه ویروس له کبله د اوکراین د کیف او د پرتګال د لیزبن ښارونو د نفوس هومره کسان مړه شوي دي.
د پي ټي ایم د شپږو غړو نومونه دشکمنو ترهګرو نوملړ ته اچول شوي
تېرو دوؤ مياشتو کې د پښتنو د حقونو د غږ پورته کوونکي تحریک پشتون تحفظ مومنټ دشپږ غړو نومونه دترهګرۍ په ضد جوړ د کال ۱۹۹۷ دقانون د اساس شیډول فور يا څلورم شیډول ته اچول شوی دي.
برتانیا د هند فراري ګاڼه پلورونکی شړي
د برتانیا حکومت د هند فراري ګاڼه پلورونکی او زرګر نیرو مودي خپل هېواد ته ستنوي.
امریکایي سیکان د خپلو عزیزانو د وژل کېدو د قضیې پلټنه غواړي
د امریکا د متحدو ایالتونو د انډیاناپولیس په ښار کې یو وسله وال اته تنه ووژل چې نیمايي امریکايي سیکان دي.
