سعودي عربستان د اسرائیل له خوا اشغال شوې لویدیځې غاړې ته پلاوی لېږلی
سعودي عربستان چې د امریکا په منځګړیتوب له اسرائیل سره د اړیکو د عادي کولو په اړه خبرې کوي، د سه شنبې په ورځ سپتمبر ۲۶ (تلې څلورمه) اشغال شوې لویدیځې غاړې ته یو پلاوی ولیږه.
دا په تیرو دریو لسیزو کې لویدیځې غاړې ته د سعودي د یو پلاوي لومړنی سفر دی.
په لویدیځه غاړه کې د اریحا سرپرست والي یسرا سویتي فرانس پرس ته وویل چې د فلسطین دپاره د سعودي عربستان د غیر استوګن سفیر نایف السدیري په مشرۍ پلاوی له اردن څخه د ځمکې له لارې لودیځې غاړې ته رسېدلی دی.
په ۱۹۹۳ کال کې د اوسلو تړون له لاسلیک وروسته دا لومړی سعودي پلاوی دی چې لویدیځې غاړې ته سفر کوي.
السدیري په اردن کې د سعودي سفیر دی او تېره میاشت د فلسطین په خاوره کې د سعودي عربستان د سفارت او په بیت المقدس کې ددغه هېواد د قونسلي چارو مسوولیت هم ور وسپارل شو.
په رام الله کې د بهرنیو چارو وزارت ویلي، چې د فلسطین لوړپوړی دپلومات ریاض المالکي به د پلاوي هرکلی وکړي.
ټاکل شوې چې السدیري د فلسطین له اوسني مشر محمود عباس سره هم وګوري.
رام الله ته د السدیري سفر په داسې حال کې کیږي چې واشنګټن د اسرائیلو او سعودي عربستان ترمنځ د اړیکو دپاره د خبرو اترو منځګړیتوب کوي، او تمه کیږي چې د دواړو هېوادونو تر منځ د اړیکو ښه کېدل به د سیمې اوضاع بدله کړي.
فورم \ دبحث خونه