د لوی، مهربان او بخښونکي خدای په نامه

د اتصالات لخوا د اروپا ۲۰۱۳ کال سایکل ځغاسته په بریالۍ توګه بشپړه شو

نعمت الله ظفرزی 09.10.2013 14:48

د اتصالات ګروپ کمپنۍ لخوا ۹ تنه ۲۱۰۰ کیلو مټره واټن سایکل ځغاسته کې د ګډون په موخه ټاکل شوي وو. دغه ځغاسته له بروسل څخه پیل تر بارسلونا پورې له ۵ هیوادونو څخه تیریده او د ۲۰۱۳ کال د سپټمبر له ۵ مې نیټې څخه یې تر ۱۹مې نیټې پورې یې دوام وموند.
ددغو نهو تنو ډله د اتصالات ګروپ د رسمي کمپنیو لکه مصر، افغانستان، پاکستان، عرب متحده امارات، سعودي عربستان، سوډان او تانیزانیا هیوادونو څخه ټاکل شوي وو او  او د لا غوره ارزونې، په لوړه کچه فزیکي او رواني ازمایښتونو لپاره په خپل هیواد او د عربو متحده اماراتو کې د تجربه لرونکي مربیانو لخوا ترې ازموینه واخیستل شوه، دا ازمایښتونه عبارت دي، د فارمولا ۱ جزیره یاس کې د وړي په توده ګرمۍ کې د سایکل ځغلونې تمرین، روغتیایي کتنې او په  قاهره او اسلام اباد کې د سایکل ځغلونې سیالي.
دغه ۲۱۰۰ کیلومټره سیالي، چې په ۴ پړاوو ویشل شوي وه،  د بلجیم، جرمني، لوکزامبورګ، فرانسې  او هسپانیه څخه تیر او په بارسلونا کې پای ته ورسید. د افغانستان اتصالات څخه احمدشکیب له خپل ملګري فیصل الریاس او منیر زوحدی اماراتي سره په څلورم او ددې سیالیو په وروستي پړاو کې چې له د فرانسې د مورلوز ښار څخه پیل او او هسپانیه په بارسلونا کې پای ته ورسید سایکل ځغاسته ترسره کړه.
احمدشکیب پدې ځغاسته کې د ګډون په هکله داسې وايي، دا زمونږ لپاره ډیره د ارزښت وړ او د عزت ځای دی چې پدې ډول یوه پروګرام کې مو ګډون  وکړ. دا لومړی ځل دی چې د افغانستان یو لوبغاړي په دې ستره سایکل ځغاستې سفر کې ګدون وکړ. دا زمونږ سره ډیره مرسته کوي، چې د سولې پیغام نورې نړۍ ته ورسوو او نړۍ ته دا وښایو چې مونږ سوله خوښوونکي ولس یو.
د یادونې وړ ده، چې د سایکل ځغاستې دغه سفر د اروپا د خوږې ناروغۍ د فدراسیون او د نړۍ د مخابراتي سکتور په ګډه همکارۍ تنظیم شوی وو.  
 د افغانستان اتصالات اجرائیوي مشر ښاغلی احمد الحسني زیاتوي؛ د GSMA  روغتیايي سفر د موبایل او روغتیا پالنې سکتور لپاره یوه ځانګړې موکه ده، چې دوامداره ملګرتیا سره لپاره لاره هواره کړي. د نویو ټکنالوژۍ سره مونږ کولای شو چې روغتیایي  اسانتیاوې په لاغوره توګه د خلکو لپاره د لاسرسي وړ وګرځوو.
نوموړي زیاته کړه، زه په ډیر باور ویلی شم چې د اتصالات د ددې ډول پروګرامونو پیاوړي ملاتړی دی او د دوي لپاره به  ډیر  د ویاړ ځای وي، چې په راتلونکي کې هم دې ډول ورته پروګرامونو کې ګډون وکړي.
خوږه ناروغي یوه نړیواله ناوړه ناروغي ده، چې د اروپا د نفوس ۸.۵ ٪ وګړي د ۱ ډول او یا هم د  ۲ ډول خوږه ناروغي باندې اخته دي او دا رقم کال په کال ډیریږي.
د GSMA د ستر سفر موخه د خوږې ناروغي په هکله د خلکوعامه پوهاوي او د درملنې نوې لارې چارې پیژندنه  ده، ترڅو ناروغان وکولای شي د نویو او تازه درملنو له لارې خپله روغتیا سالمه وساتي.
د افغانستان اتصالات په اړه:-  د افغانستان اتصالات د اتصالات مخابرتي ګروپ یوه څانګه ده، چې مرکزی دفتر یې په دوبۍ کې موقعیت لري او د نړۍ یوه له سترو مخابراتي کمپنیو څخه دی. اتصالات په ۲۰۰۷ کال کې په افغانستان کې خپلې چارې پیل کړې، اتصالات د غوره خدمتونو په وړاندې کولو سره اوس د هیواد یوه له پرمختللو مخابراتي کمپنیو څخه ده، چې تر ۴ ملیونه څخه ډیر فعاله پیریدونکي لري. اتصالات په هڅه کې دی، چې د غوره کیفیت، نویو خدمتونو، ټیټو بیو او د هیواد په هر ولایت کې د پراخه پوښښ په درلودلو سره بازار کې غوره ځای ومومي.
له ۲۰۰۷ کال راپدیخوا اتصالات له۳۰۰ ملیونه ډالرو څخه ډیره پانګونه کړیده او لومړۍ مخابراتي کمپنۍ ده چې په افغانستان کې د 3.75G خدمتونه وړاندې کړل.
دلاډیرو معلوماتو لپاره www.etisalat.af او یا هم  www.facebook.com/etisalatafg ویبپاڼو څخه لیدنه وکړئ