د لوی، مهربان او بخښونکي خدای په نامه

لیونتوب

الحاج الهام الدين قيام 03.05.2012 02:57

د ليکوال څو نورې لیکنې

ټول

ليونتوب

هسی ځان غلطول دي،که کړي زيارڅوک
اغيارهيڅوخت اړوی نه شي ،په يارڅوک

هسې ځانته هوښيار وائي،هوښيارنه دي
چې باورکړي ،داغيارو په ګفتار څوک

يارپه دواړولاسو،خپل رقيب ته سپاري
چې رقيب ورليږي يارته ،خپل ريبارڅوک

بل څه نه دي پخپل لاس،دځان وژل دي
چې دښمن ته ورکوي، دځان اختيار څوک

سرترپايه ليونتوب دی،بي عقلي ده
له بوکاڼې که دګل کړي،انتظارڅوک

خپل منزل ته رسيدئ نه شي قيامه
چې غوليږي دپرديو،په شعارڅوک

والدورف/جرمنی
01.05.2012