پيښور، مهترلام بابا ادبي ټولني پرله پسي اونیزه غونډه وکړه

په پيښورکي مهترلام بابا ادبي ټولني پرله پسي اونیزه غونډه وکړه

 دمهترلام بابا ادبي ټولني خپله روانه اونیزه غونډه دجمعي په ورځ دروان لمریزکال دتلي یامیزان په درویشتمه  نیټه دپيښوربورډبازارته څيرمه په پي سي ایس کالج کي دتاندشاعرروئید همت په مشري دمازدیګرپه مهال دسيمي په پنځه بجي دسمیع الحق عليخیل له خوادقران پا ک دڅومبارکوایاتونو په اورولوسره پيل شوه                                                                           

دویاندويي چاري عبدالوهاب څاروان  په مخ وړلي او میلمه يي عبدالرحیم هلال وو                      

دپيل خبري يې دمهترلام باباادبي ټولني دمشر نظیرالحق قریشي په غاړه وې                              
نذیر الحق قريشي دخپلوخبروپه ترڅ کي دغونډي په ترتیب او جوړښت کي دملګرو هلي ځلي دستایني وړوګڼلي اوهیله يي وښوده چي له دي لاري به ټولوملګروپښتوژبي ته پوره خدمت کړي وي ،قریشي په غونډه کي دګډونوالو له ګډون کولوڅخه مننه وکړه اودننۍ غونډي میلمه ته يي ښه راغلاست وویل
دپيل له خبروڅخه وروسته دغونډی په اجنډا کي دتیري غونډی راپور کره کتنه او مشاعره  شامله وه.
 لومړی د تیری غونډ ی راپور دنظیرالحق قریشي  له خوا وړاندی شوچي دغونډي دګډونوالو له       خواپري نظرونه ورکړل شول ،ستاینه يي وشوه او همدارنګه دځينو ګډونوالوله خو له نیوکو سره مخ شو
دراپور مرکزي ټکی  په تیره غونډه کي دنظیرالحق قریشي لخواد(بیواکه ) ترعنوان لاندي په لنډه    کیسه باندي دګډون والو لخوا وړاندیزونه نیوکي او تودبحث وو                                                 
دغونډی مشرروئید همت دراپورستاینه وکړه اوزیاته یي کړه  هغه خبری چه په تیره غونډه کی شوی وی ټول یی را اخستی وی .                                                                                                         
هلال هم دګزارش دستایني ترڅنګ وویل،چي ترډيره حده دتیري غونډي په ګزارش کي وړهنر کارول سوی وو  دگذارش لیکل یوهنر غواړی ،چي دتیري غونډي ټول جزیات يي وړاندي کړل هلال زیاته کړه دګزارش ژبه ډيره خوږه،روانه اوزړه راښګونکي وه                                                           

ورپسي له پریکړي سره سم دځوان شاعرانعام الله ګوهرلاندي غزل کره کتني ته وړاندي شوه چي دګډونوالولخوايي په فزیکي جوړښت ،خیال ،اوفکرباندي هراړخیزه خبري اتري نیوکي او وړاندیزونه وړاندي شول                                                                                                                     
غزل

يو خوب وم د دردونو خو تعبير دي کړمـــــــــــه زه

تــــــــــــــــــــــا واړولم غم باندې په وير دي کړمه زه

شپــــــه ټوله  سپوږمۍ ته په کتو باندې کړم تېره

د ستور غوندې ويښ يمه ،شــــبګير دي کړمه زه

څرنګه  بې وخته رانــه لاړې زه هیڅ پوى نه شوم 

منکر وم،خو قــــــــايل اوس د تقدير دي کړمه زه

کله چي را ياد شول ستــــــــا د ښکلي مخ خطونه

اګـــــــــــــــــا هله د خپل فن په تقصير دي کړمه زه

خيال او تصور کوڅې مي ټولي تا پسي چاڼ کړې

د هيـــــــــلو کچکول  غاړه کې ،فقير دي کړمه زه

دا ستــــــــــا د ياد انځور ده د غزل هره مصرع مي

تـــــــــــــــا راکړلو  قلم لاس کې شاعر دي کړمه زه

دغزل لیکوال انعام الله ګوهردکره کتني دبرخي په پای کي دټولوګډونوالونیوکي اووړاندیزونه پرځای ووبلل ددوی دنظرستاینه يي وکړه  او زیاته يي کړه چي دادب په لاره کي يي همیشه له دي ته ورته   ناستوپاستوڅخه ډيرڅه زده کړي او وړ ګټه يي تري  اوچته کړي                                               
دکره کتني په پای کي ازاده مشاعره ترسره سوه چي پکي شاوخوادیرشوشاعرانو خپل شعرونه واورول  
دغونډي په پای کي دغونډي مشرهمت اومیلمه يي هلال په نوبت سره  خبري وکړي                          
هلال په غونډه کي له ګډون کولو څخه خوښي وښوده دغونډي ستاینه یي وکړه اوويي ویل چی ګډونوال باید دمهترلام بابا ادبي ټولني دلاغوړیدا لپاره کار وکړی                                                            
ددي ته ورته غونډوپه لاره اچول يي دپښتو ادب په زرین اسمان کي یوه لاسته راوړنه وبلله              
ده وویل خوشحاله یم چي نن په پيښورکي دادبي هلو ځلوناستواوغونډودلړۍ په یوي بلي ګټوري کړۍ کي دګډون کولو ویاړلرم                                                                                                        
غونډه په څه له پاسه اته بجي ددروند استادتحسین الله تحیسن لخوا ددوعايي په لوستلو سره پای ته   ورسیده اووپتیله شوه چي راتلونکي کرکتني ته به تحسین صیب خپله لیکنه کره کتني ته راوړي  

          
      دیادوني وړ ده چي په پيښورکي دمهترلام بابا ادبي ټولني په کال 1389کي په روانو                       غونډواوکرکتنوباندي پيل کړی  مشر يي شاعراولیکوال نظیرالحق قریشي اودمرستندويي چاري يي دتاندشاعرعبدالوهاب څاروان په غاړه دي                                                                            
دمهترلام بابا ادبي ټولني ترڅنګ دامهال په پيښورکي دځینونورو ادبي ناستو ترخواسلامي فرهنګي مرکز،افغان ادبي بهیر،پرله پسي اونیزي غونډي او ناستي کوي چي پکي په لسګونو شاعران،لیکوالان اودادب مینوال ګډون کوي

ع ،هلال