کليوال ادبي ملګري ټولنې اونيزه دوه دېرشمه ناسته وکړه

ملګرتيا که څو رندان راسره وکړي
دا حــرم به يوه لـــويه ميکده کړم
سیف الرحمان سلیم
خورو ورو پښتنو! څنګه چې کليوال ادبي ملګري ټولنه د (غږ) په نوم مياشتنۍ مجلې، د (غږ) په نوم انټرنيټي پاڼې، د ژباړې مرکز، د کتابونو د چاپ، د کتاب د سيالۍ، د ورځنيو لمانځغونډو او د اونيزو غونډو ترڅنګ ډېرى فرهنګي، کلتوري، ادبي او هر اړخيز فعاليتونو ته ملا تړلې ده، نو په پام کې لري چې د راتلونکې شنبې له ورځې څخه د وېډيويي لينک له لارې د لکچرونو نوې لړۍ پيل کړي، چې پيل به يې د هيواد وتلى ليکوال، زړه راښکونکي شاعر، ښکلى انځورګر، د راډيويي خپرونو پروډيوسر، فولکلوريسټ او خوږ ممثيل ومان نيازى وکړي، چې د فولکلور په اړه به د غونډې کډونوالو ته لکچر ورکوي، په دغه لکچرونو کې به د نړۍ له ګوټ ګوټ څخه د هيواد وتلي، ليکوالان، شاعران، مورخين، شنونکي او روڼاندي برخه اخلي او خپله علمي، فرهنګي، سياسي، تاريخي او هراړخيزه پوهه به د غزني له خلګو سره شريکوي، کليوال ادبي ملګري ټولنه، د غزني له ټولو غيورو، ښاعليو او اغليو څخه په ډېر درنښت هيله کوي چې په دغه لکچرونو او د يادې ټولنې په اونيزو غونډو کې ورسره ګډون وکړي.
په درنښت
کليوال ادبي ملګري ټولنه، غزنى