متحده قومونو په ایران کې د احتجاج کونکو په ضد د حکومت د اقداماتو غندنه کړې
د ایران حکومت ویلي مهسا اميني د زړه د دورې نه مړه شوي دي او د پولس په ولکه کې ورسره څه روز زیاتی نه دی شوی. د هغې کورنۍ وايي په مهسا امیني مخکې چېرته د زړه دوره نه ده راغلې او د هغې په بدن زخمونه او د وهل کېدو نشانونه وو
جرمني ته د افغانانو انتقال ستونزمن دی- برګر
د جرمني د بهرنیو چارو وزارت ویاند کرستوفر برګر وايي چې هېواد یې ژمنه کړې ده چې تر ۲۰۲۵ کال پورې به په هره میاشت کې ۱۰۰۰ هغه افغانان، چې ژوند یې له خطر سره مخامخ دی، جرمني ته انتقالوي، خو وايي چې دا کار ستونزمن دی. نوموړي امریکا غږ ته په یوې ځانګړې مرکې کې وویل چې د دې پروګرام لویه ستونزه دا ده چې په جرمني کې د افغانستان سفارت فعال نه دی او اکثریت هغه افغانان چې له خطر سره مخامخ دي، پاسپورټونه نلري او له هېواد څخه یې اېستل نا ممکن دي. نوموړي زیاته کړه: «غواړو دې خلکو ته د اینده امید او د خپلې ارادې هیله ورکړو. ځکه چې د افغانستان په اړه د مسئولیت احساس لرو. د افغانانو د منلو دا بشري پروګرام مو د هغو خلکو سره د مرستې لپاره پيل کړی چي د خپلې کاري سابقې، د ښځو د حقونو لپاره د ژمنتیا، د بشري حقونو، په عدلي او قضايي بنسټونو کې د کار کولو، سیاست، رسنیو، پوهنې، فرهنګ او یا هم د خپل جنسیت او مذهب له کبله له مجازاتو او خطر سره مخامخ دي.» د جرمني د بهرنیو چارو او کورنیو چارو وزیرانو د دوشنبې په ورځ وویل چې په دغه پروګرام کې به لومړیتوب هغو افغانانو ته ورکول کېږي چې د طالبانو له راتګ وروسته له خطر سره مخامخ دي. د جرمني د بهرنیو چارو وزارت ویاند وویل، هېواد به یې ونشي کولای چې له خطر سره مخامخ ټول خلک له افغانستان څخه وباسي او همدغه راز په یوه میاشت کې د ۱۰۰۰ کسانو اېستل به هم ټولو ته کافي نه وي. هغه دا پروګرام «ډېر ډېر ستونزمن» یاد کړ او وې ویل: «موږ اوس په افغانستان کې فعال سفارت نلرو او د خلکو د وضعیت ارزولو لپاره زموږ ظرفیت ډېر محدود دی او له دې پلوه باید په جرمني کې دننه په بېلا بېلو بنسټونو او مدني ټولنو باندې تکیه وکړو. هغوی په افغانستان کې د خپلو شبکو او فعالیتونو له لارې د دغو خلکو په اړه لومړي لاس معلومات لري.» هغه وویل چې یو شمېر خلک په افغانستان کې دننه د دغه پروګرام لپاره وړ دي، خو پاسپورټونه نلري، اېستل یې سخت دي او طالبان هم ورته د وتلو اجازه نه ورکوي. هغه وویل: «کوم خلک چې پاسپورت نلري، د یوې لویې ستونزې په توګه به پاتې شي.» هغه زیاته کړه: «ضرورت ډېر دی. ډېر خلک به غوښتنلیکونه وسپاري. هغه څه چې مې تشریح کړل، هڅه به وکړو هغه موارد چې عاجل وي، په ګوته کړو. دا پروګرام د هغو افغانانو لپاره ځانګړی دی چې اوس په هغه هېواد کې اوسېږي، موږ احساس کوو چې هغوی له ډېر خطر سره مخامخ دي.» کرستوفر برګر وویل چې په دغه پروګرام کې به نوې قضیې نه ثبتېږي بلکې هغو پېښو ته به رسیدګي کې کېږي چې د جرمني دولتي ادارو او بنسټونو د خپلو مخکینیو معلوماتو په اساس د بهرنیو چارو وزرات ته سپارلې دي. خو هغه زیاته کړه چې ممکن په اینده کې نوې قضیې هم ثبتې او ومنل شي. هغه وویل: «دا مهال په افغانستان کې نژدې ۱۲۰۰۰ هغه افغانان چې د جرمني سره قراردادیان وو، پاتې دي، جرمني هغوی رسمآ منلي دي، خو د هغو ستونزو له کبله چې یادې مې کړې، لا انتقال شوي نه دي... په دې سربېره یوه بله لویه ډله خلک هم شته چې له جرمني سره یې کار کړی او هلته پاتې دي او کارونه یې روان دي چې د جرمني د پخوانیو قراردادیانو په توګه وپېژندل شي.» د رویټرز خبري اژانس وايي چې د جرمني حکومت له څه باندې یو کال راهېسې شاوخوا ۲۶۰۰۰ هغه افغانان جرمني ته انتقال کړي چې ژوند یې په خطر کې و.
د اشنا د چهارشنبې خبري خپرونه
د اشنا په خبري خپرونو کې د شنبې څخه تر پنجشنبې پورې د افغانستان، سیمې او نړۍ تازه خبرونه، او د ټولې نړۍ څخه په زړه پورې او معلوماتي رپوټونه، د مسولینو او کارپوهانو مرکې، ستاسې غږ او نور مطالب لیدلی شی.
اتصال تلویزیوني خپرونه
په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.
ځانګړې مرکه
د افغانستان او نړۍ د تودو موضوعګانو په هکله د مسولینو، مقاماتو، کارپوهانو او څیړونکو سره ځانګړې مرکې هره چهارشنبه د ماښام ۶:۰۰ بجو څخه تر ۶:۳۰ بجو دقیقو پورې د امریکاغږ په سپوږمکۍ او ډیجیټلي خپرونو کې وګورئ او واورئ.
د خبریالانو نړېوال فېډرېشن: طالبان دې د خبریالانو ځورول او ډارول بند کړي
واشنګټن - د خبریالانو نړېوال فېډرېشن، په افغانستان کې د خبریالانو ځورول کېدل او ېرول کېدل غندلي دي او د طالبانو یې غوښتي چې د آزادي رای خیال دې وساتي. د خبریالانو نړېوال فېډرېشن یا آی اېف جې، یو تازه بیان جاري کړی او هغه کې یې ویلي چې بهرنۍ خبریالې سټېفاني ګلېنسکي ته طالبانو د افغانستان د سفر اجازت ندی ورکړی. آی اېف جې زیاته کړې چې مخکې تر دې، طالبان په سټېفاني باندې په دې غوسه شوي و چې ګني تنقیدي رپوټونه یې جوړول. د خبریالانو نړېوال فېډرېشن د مېرمن ګلېنسکي ځورونه او ېرونه غندلې ده، او په طالبانو یې غږ کړی دی چې د بیان آزادۍ ته دې ژمن پاته شي او د افغان خبریالانو ځورول دې هم ختم کړي. سټېفاني ګلېنسکي څلور کاله په افغانستان کې صحافت او فوټوګرافي کړې او په مختلفو موضوعاتو یې رپوټونه برابر کړي دي. هغې د ګارډین اخبار، فارېن پالیسي مجلې، او نورو نړېوالو مطبوعاتو ته کار کړې دی. سټېفاني شاوخوا لس ورځې مخکې ویلي و چې طالبانو ورنه پوښتنې ګروېږنې کړي، هغه یې د دوی د حکومت خلاف په پروپګېنډه تورنه کړې، او ورباندې یې فشار اچولی و چې د هغو خلکو نومونه او پتې ورته ښکاره کړي کوم چې ورسره یې په رپوټونو کې مرکې کړي وې. سټېفاني ویلي چې هغې طالبانو ته د خپلو ذرائعو د ښکاره کولو نه انکار کړی، ځکه دې کار، د هغو کسانو ژوند په خطر کې اچولو کوم چې د سټېفاني سره یې افغانستان کې مرکې کړې وې. د طالبانو له خوا د ځورونې او ېرونې وروسته، سټېفاني په جولائي میاشت کې د افغانستان نه ووتله. د هغې یو رپوټ چې طالبان یې په غوسه کړي و، دا و چې طالبان په شمال کې د کوېله درنګونو په سر خپل منځ کې شخړې کړي دي، او دا هغه کوېله ده چې د افغانستان نه پاکستان ته برامد کیږي. سټېفاني ګلېنسکي وایي، هغې پخوا په افغانستان کې د امریکا د موجودیت او د جمهوري نظام او همدا راز د طالبانو په اړه تنقیدي رپوټونه جوړ کړي دي، مګر دا اول ځل دی چې طالبان په عمل کې کوشش کوي افغانستان کې د هغې د رپوټ جوړولو مخه ونیسي. د آی اېف جې په بیان کې ویل شوي چې په وروستیو میاشتو کې، طالبانو هم افغان او هم بهرني خبریالان د هغو د طریقه کار په خاطر په نښه کړي دي. په اګسټ میاشت کې د وایون نیوز خبریال انس مالک د طالبانو له خوا اغوا کړی شو او ورسره تشدد وشو. په جولائی میاشت کې اسټرالیایۍ خبریاله لېن اوډونېل هم وېرول شوه او مجبوره کړی شوه چې د طالبانو په اړه خپل تنقیدي رپوټونه واپس واخلي. د بشري حقونو د څار ډلې، هیومن رایټس واچ یوې چارواکې هېدر بار پخپل ټوېټر لیکلي چې ورځ تر بلې په واضحه توګه معلومیږي چې طالبانو د افغان خبریالانو دپاره د مېډیا د آزادۍ محدوده کولو پس، اوس د بهرنیو خبریالانو په چوپ کولو هم شروع کړې ده. یاده دې وي چې ګڼ شمېر افغان خبریالان د طالبانو نه بهر ته تښتېدلي او په دې وروستیو کې د طلوع نیوز د خبري څانګې مشر خپلواک صافی هم افغانستان پرېښود او ویې ویل چې نور هلته ورته د کار کولو شرایط ندي برابر. طالبانو تر اوسه د خبریالانو د نړېوال فېډرېشن بیان ته څه غبرګون نه دی ښودلی.
فنانشل ټایمز:دسیلابي زیان له امله به پاکستان نزدیو کې نړیوالو ادارو څخه د اربونو ډالرو پورونه وغواړي
په هیواد کې د قدرتې افتونو په مهال دنظم ساتنې ادارې این ډي ایم ای پر ویب پاڼه د روانې میاشتې په ۱۷ مه نیټه دخپرو شوؤ شمیرو ترمخه د جون د میاشتې راهسې دبارانو او سیلابونو له امله ۱۷۱۹ کسان مړه شوې اؤ ۱۲۸۰۰ څخه زیات ټپیان شوي دې-
د متحده قومونو مشر په ممبۍ کې د کال ۲۰۰۸ په حمله کې وژل شویو کسان ته احترامات وړاندې کړي
د امریکې د ريوارډز فار جسټس پروګرام وايي په 2020 کې د ترهګرۍ ضد د پاکستان عدالت حافظ سعید په ګڼو جرمونو محکوم کړو او د قېدا سزا یې ورکړه. پروګرام وویل "متحده ایالات د سعید په اړه د معلوماتو لټون ته دوام ورکوي ځکه چې د پاکستان قضايي سیسټم په تیرو وختونو کې د لشکر طیبه مشران او فعالان خوشې کړي دي."
پارلیمان کې بحث:دافغان طالبانو وسله پورته کول بغاوت ؤ خو پاکستاني طالبان اقتدار لپاره جګړه کوي
پارلیمان کې حکومتي وزیرانو په سوات اؤ دهیواد په قبایلي ضلعو کې دلاقانونه وسله والې ډلې تحریک طالبان پاکستان مخ په سیوا کېدونکو فعالیتونو باندې سختې اندېښنې ښکاره کړي اؤ غوښتنه یې کړې ده چې مخکې تر دې چې سوات کې د لګيدلي اور لمبې د هېواد نورو سيمو ته وغځېږي باید ددې مخه ونيول شي
کرکټ نړیوال جام څلورمه ورځ؛ د پاکستان او افغانستان لوبه بې نتیجې وه؛ ګربز ښه دی
په استرالیا کې د کرکټ د ۲۰ اوریز نړیوال جام په روانو سیالیو کې نن چهارشنبه اکتوبر ۱۹ (تله۲۷) ویسټ انډیز زمبابوې او ایرلنډ سکاتلنډ ته ماتې ورکړې. د پاکستان او افغانستان لوبه بې نتیجې اعلان شوه.
د ملګرو ملتونو ځانګړی راپور ورکوونکی پنجشیر ته تللی چې د 'خپل سرو وژنو' ادعاوې وڅېړي
په پنجشېر ولایت کې د طالبانو اړوند کسانو لخوا د غیر قانوني وژنو په اړه د راپورونو تر خپرېدو وروسته د افغانستان لپاره د ملګرو ملتونو د بشري حقونو د شورا ځانګړی راپور ورکوونکی دغه ولایت ته تللی دی.
دپاکستان ددفاع وزیر منلې چې سوات کې 13کاله وروسته بیا هم هغه پخوانۍ لړۍ پیل شوې ده
ددفاع وزیر سوات کې دترهګرۍ دلړۍ پیل کیدو دا اعتراف په داسې حال کې کړی چې دهیواد دکورنیو چارو وزیر رانا ثناء الله سوات کې دترهګرو بیا راپورته کیدو ته دافواه نوم ورکړی دی
متحده قومونه نه غوښتنه شوي چې د روس د ایراني ډرون په استعمال دې غور وکړي
سفارتکارانو د نهې، سه شنبې، په ورځ وویل د روس د ایراني ډرون جهازونو د ا ستعمال په اړه د اقوام متحده نه خواست شوی چې د اقوام متحده چارواکی دې د شورو، چهارشنبې، په ورځ سېکیورټي کاونسل ته د بندو دروازو په شا معلومات یا بريفنګ ورکړي
ملګري ملتونه: بشري فعالیتونو کې د افغان مېرمنو ونډه ستونزمنه شوې
د ملګرو ملتونو د بشري مرستو د همغږۍ اداره (اوچا) وایي پر افغانستان د طالبانو تر حاکمیت وروسته د بشري مرستو په برخه کې د سیمه ییزو ښځینه کار کوونکو ګډون له ستونزو سره مخ شوی دی.
اوچا: تېر يو کال کې د بشرپاله افغان مېرمنو په شمېر کې پام وړ کموالی راغلی
په افغانستان کې د ملګرو ملتونو د بشري مرستو د همغږۍ اداره ( اوچا ) وايي په تېر یو کال کې په دې هېواد کې د بشرپاله ښځینه کار کوونکو په شمېر کې په پراخه کچه کموالی راغلی دی. دغه ادارې په خپل یو تازه راپور کې چې نن خپور شوی ویلي دي، چې په افغانستان کې د مېرمنو په وړاندې د مخ پر زیاتېدونکو محدودیتونو سربېره چې ښځې له خپلو بنسټیزو حقونو او ازادیو څخه محروموي، بشرپاله ښځينه کار کوونکې هره ورځ له کوره د وتلو او بېرته کورته تر راګرځېدلو پورې له زورولو، وېرولو او بد چلندۍ سره مخ دي. په راپور کې راغلي دي، چې دا موارد دفتر ته د تګ راتګ، د اوسني حکومت له مسؤلینو سره د لیدلو او دغه شان د کار په ځای کې رامنځته کېږي. اوچا په خپل راپور کې له یو شمېر بشرپاله ښځینه کار کونکو سره د مرکو پر بنسټ ویلي دي، چې د طالبانو د ځانګړو فرمانونو پر بنسټ باید ښځې د سفر پر مهال خامخا یو خپلوان له ځان سره ولري کنه نو د طالبانو د پلټنې په پوستو کې له یو مبهم او ناخوندي حالت سره مخ کېږي. په راپور کې راغلي دي چې ان کله کله دغه حالت بد، رد ویلو، ګواښونو او فزیکې تاوتریخوالي ته رسیږي. د ملګرو ملتونو د بشري مرستو د همغږۍ دفتر موندلي چې په ټول افغانستان کې له ۱۷۱ ولسوالیو څخه، په ۸۸ ولسوالیو کې بشرپالو اقداماتو کې د مېرمنو ګډون کم شوی دی. په راپور کې نورستان، بادغیس او کندز هغه ولایتونه یاد شوي چې د ښځینه بشرپالو کار کوونکو د لاسرسي له اړخه په تر ټولو بد حالت کې دي خو بامیان، هرات، جوزجان او سمنګان بیا نسبتا ښه ولایتونه په نښه شوي دي. په دې راپور کې له محرم پرته د مېرمنو پر سفر بندیز د ښځینه بشپرپاله کار کونکو د کمښت مهم او لوی لامل بلل شوی دی. د اوچا په راپور کې غوښتنه شوې چې اوسنی حکومت باید په بشرپالو فعالیتونو کې د ښځینه کار کوونکو رول په رسمیت وپېژني او په وړاندې يې ټول محدودیتونه او ګواښونه پای ته ورسوي. دغه ادارې دغه شان له نړیوال ملاتړ کوونکو بنسټونو او حکومتونو هم غوښتنه کړې، چې په دې برخه کې خپلې عدالت غوښتنې ته دوام ورکړي او له مسؤلینو نه په دې اړه د شویو ژمنو د عملي کېدو غوښتنه وکړي. که څه هم طالبانو د ملګرو ملتونو د بشري مرستو د همغږۍ دفتر تازه راپور ته غبرګون نه دی ښودلی خو له دې وړاندې يې ویلي و چې، مېرمنو ته د کار له خوندي چاپیریال رامنځته کولو وروسته به دوی ته د کار اجازه ورکړي. طالبانو پر افغانستان د بیاځلي واکمنۍ له پیل راهیسي په دې هېواد کې له شپږمو ټولګیو پورته د نجونوپه وړاندې ښوونځي تړلي، ډېری ښځې چې مخکې یې په دولتي ادارو کې کار کوو له کار راګرځول شوي او دغه شان مېرمنو ته له محرم پرته د لري واټن سفر اجازه هم نه ورکول کېږي. تازه تېره ورځ، د طالبانو حکومت د کډوالو او راستنېدونکو چارو په وزارت کې هم مسؤلینو ښځینه کار کوونکو ته ویلي، چې نورې دې دفترونو ته د کار لپاره نه ورځي. معترضو مېرمنو ازادي راډیو ته څو ویډیوګانې هم را استولي وې، چې پهکې لیدل کېدل، د کډوالو او بېرته راستېندونکو چارو وزارت نه د لسګونو ښځو د ویستلو هڅه کېږي او ورته ویل کېږي چې خپلو کورونو ته ولاړې شي.
