افغانستان: عواید د مخکې پرتله ډېر، خو له هدفه 'لږ' کم دي

د افغانستان مالیې وزارت چارواکي وايي، په دغه هېواد کې د روان کال تر اوسه راټول شوي عواید ۱۹۸ ملیارده افغانیو ته رسېږي، خو د ولسي جرګې مالي او بودیجوي کمېسیون دغه شمېرې له مبالغې ډکې بولي او وايي، له ماليې وزارته یې بشپړ او کره جزیات غوښتي دي.

اسراییل په کال کې د دریم ځل لپاره ټاکنې کوي

د ایتلافي حکومت جوړولو کې د اسراییلي ګوندونو له پاتې راتلو وروسته دا په یو کال کې درېیم ځل دی چې په دغه هېواد کې ټاکنې کېږي. اوس تمه ده چې قانون جوړوونکي د مارچ درېیمه د ټاکنو ورځو اعلان کړي.

هند پارلمان د تابعیت اړوند ناندریز قانون تایید کړ

هند پارلمان د تابعیت اړوند هغه ناندریزه قانوني مسوده تایید کړې چې له دریو ګاونډیو هېوادونو هند ته ورغلیو غیر قانوني کډوالو ته د تابعیت حق ورکوي. د دغه قانون پر ضد د هند په یو شمېر شمال ختیځو ایالتونو کې سخت احتجاجونه شوي دي.

پاکستان کې پر روغتون د وکیلانو یرغل، درې ناروغان مړه شوي

د پاکستان لاهور ښار په یوه روغتون کې له هغه وروسته درې ناروغان وژل شوي، چې سلګونو مدافع وکیلانو له داکټرانو سره له جنجال وروسته پر دغه روغتون یرغل وکړ. ځايي پولیسو د پېښې په تړاو لسګونه مدافع وکیلان نیولي او زندان ته استولي دي.

ټاکنو کمېسیون وايي، د ولسمشرۍ ټاکنو لومړنۍ پایلې اعلانوي

د افغانستان ټاکنو خپلواک کمېسیون وايي چې په ۷ ولایتونو کې د رایو بیا شمېرنې بهیر له بشپړیدو پرته چې اعتراض کوونکو يي د بیا شمېرنې مخه نیولې، د ولسمشرۍ ټاکنو لومړنۍ پایلې اعلانوي. بل لور ته عبدالله عبدالله ویلي، د دوی 'قانوني غوښتنو' ته له رسېدو پرته د پایلو پر اعلان به بې توپیره پاتې نه شي.

بګرام کې "موټر بم بریدونو تر ۵۰ ولسي وګړي ټپیان کړل"

د کابل ګاونډ ته پروان ولایت کې چارواکي وايي، هلته د چارشنبې په ګهیځ څو موټر بم بریدونه شوي او ور پسې وسلوال یوه روغتون ته ننوتلي دي. خو افغانستان کې ناټو چارواکو ویلي، چې له بګرام هوايي اډې بهر برید شوی دی، چې امریکايي یا نورو بهرنیو ځواکونو ته پکې مرګ ژوبله نه ده اوښتې.

امریکا د نقیب مسید په وژنه د تورن افسر نوم د بندیزونو نوملړ کې شامل کړ

امریکا متحدو ایالتونو د هغو کسانو په نوملړ کې چې له بشري حقونو سرغړونه کوي، د پاکستان یوه پخواني پولیس افسر راو انوار نوم هم شامل کړی او بندیزونه یې پرې لګولي دي. تېر کال پولیس افسر راو انوار ادعا کړې وه چې نقیب الله مسېد یې په مخامخ نښته کې وژلی.

''د ځانمرګو بریدونو لارښود'' له باروتو ډک موټر سره ونیول شو

د ننګرهار چارواکي وایي، هغه ځانمرګی بريدګر او د هغه لارښود کس یې له باروتو ډک موټر سره يو ځای نیولی چې غوښتل يې په جلال اباد ښار کې بريد وکړي. چارواکو ویلي، برید ته چمتو شوي موټر کې زر کیلو ګرامه چاوېدونکي مواد ځای پر ځای شوي وو.

افغان سوله؛ داسې خبرې غواړو چې پایله یې ریښتونې سوله وي

افغان ولسمشر محمد اشرف غني د افغانستان په هکله د اسیا زړه- استانبول بهیر اتمه ناسته کې د امریکا د بهرنیو چارو وزارت مرستیالې الیس وېلز سره پر سوله او سیمه ییز پیوستون خبرې وکړې. د اسیا زړه غونډه کې ترک ولسمشر رجب طیب اردوغان وویل، باید له افغان ولس او حکومت سره مرستې او ملاتړ له بل هر وخت ډېر شي.

واشنګټن پوسټ: امریکایي حکومتونو د افغان جګړې په اړه خپلو خلکو ته درواغ ویلي

امریکایۍ واشنګټن پوسټ ورځپاڼې د یو شمېر پخوانیو محرمو اسناد په را برسېره کولو سره ادعا کړې ده چې په تېرو ۱۹ کلونو کې امریکایي حکومتونو د افغان جګړې په اړه خپلو خلکو ته بیا بیا درواغ ویلي دي. د یوې فدرالي پروژې موندنو ښودلې ده چې امریکایان اصلاً په افغانستان نه پوهېدل

هلمند کې د افغان پوځ مرکز ته نژدې ځانمرګي بریدګر پنځه سرتېري وژلي

د افغانستان د دفاع وزارت په اعلامیه کې راغلي چې پېښه نن سهار لس بجې هغه مهال شوې چې یو ځانمرګی بریدګر چې په مازدا ډوله ګاډي کې سپور و، مخکې له دې چې د ملي اردو پر مرکز برید وکړي، د امنیتي ځواکونو لخوا ویشتل شوی او چاودنه شوې ده. په دې برید کې پنځه افغان سرتیري وژل شوي او څلور ټپیان دي.

هانګ کانګ کې د سلګونه زره کسانو مظاهرې

د هانګ کانګ کوڅو کې ګڼ شمېر کسان لاریون ته وتلي او دا تېرو میاشتو کې د حکومت ضد تر ټولو ستره مظاهرې بلل کېږي. د اوسنۍ مظاهرې جوړوونکي وايي، دې مظاهرو کې اتو لکو کسانو، خو پولیس وايي، یو لک درې اتیا زره کسانو ګډون کړی دی.

ښځه په الوتکه کې د سفر پر مهال لړم چیچلې

په امریکا کې یوه لړم د یونایټډ هوایي چلن هغې الوتکې ته لار موندلې چې له سن فرانسېسکو نه اټلانټا ته روانه وه، او یوه مساپره ښځه یې هم چېچلې ده. که څه هم دا ډول پېښې کمې کېږي، خو دا لومړی ځل نه دی چې په الوتکه کې د سفر پر مهال لړم موندل شوی.

"په سمندرونو کې اکسیجن په ختمېدو دی"

ساینس پوهانو په یوه تازه خبرداري کې ویلي، د اقلیمي بدلون او ککړې هوا له کبله د نړۍ په سمندرونو کې اکسیجن په ختمېدو دی، او د کبانو ځینې ډولونه له جدي ګواښ سره مخ دي. کارپوهان زیاتوي چې په سمندرونو کې د نورمال ژوند یا حالت بدلېدل پر ځمکه ژوند هم ګډوډولی شي

د ټاکنو کمېسیون علني غونډه: لومړنیو پایلو اعلان ته به لار جوړه شي

د افغانستان د ولسمشرۍ ټاکنو په بهیر کې د رامنځته شوي په ټپه ولاړ حالت پای ته رسولو لپاره د ټاکنو کمېسیون هڅه کوي په یوه علنی غونډه کې معترضو نوماندانو ته قناعت ورکړي. د ټاکنو کمېسیون د ولسمشریزو ټاکنو د روانې لانجې د اوارولو په موخه نن د نوماندانو د ټاکنډلو، ګوندونو او ټاکنڅارو ټولنو تر منځ ښکاره غونډه وربللې ده.

OK
This site uses cookies. By continuing to browse the site, you are agreeing to our use of cookies. Find out more