ولسمشر غني: د طالبانو راتګ د افغانستان بېرته په شا تګ معنی لري

افغان ولسمشر محمد اشرف غني ویلي، د طالبانو بېرته راتګ به په دې معنی وي چې افغانستان بېرته په شا تګ کوي. ښاغلي غني دا څرګندونې د پنجشنبې پر ورځ په ارګ کې د افغانستان د خپلواکۍ د سلمې کلیزې په مناسبت په یوه ځانګړې غونډه کې وکړې.

ارګ: د ولسمشرۍ ټاکنو په ترسره کېدو کې هېڅ شک نشته

د افغان ولسمشر محمد اشرف غني ویاند صدیق صدیقي پنجشنبه کابل کې یوې خبرې غونډې ته وویل، د راتلونکو ولسمشریزو ټاکنو ترسره کېدو په اړه باید هېڅ شک موجود نه وي. نوموړي ټینګار وکړ چې امریکا او اروپایي ټولنه د دې ټاکنو ملاتړ کوي او حکومت یې ترسره کولو ته ژمن دی

ملي امنیت شورا او یوناما: د زرمت پېښه کې ولسي وګړي هم وژل شوي

د افغانستان د ملي امنیت شورا د تېرې یکشنبې په شپه د پکتیا زرمت ولسوالۍ کې د افغان ځواکونو لخوا شپني عملیاتو کې پر وسله والو طالبانو سربېره ولسي وګړو ته مرګ ژوبله اوښتل منلي. یوناما هم ویلي، په دې برید کې ۱۱ ولسي وګړي وژل شوي.

افغانستان: څلورو ورځو کې د کانګو ناروغۍ شل پېښې ثبت شوې

د افغانستان عامې روغتیا وزارت د ساري یا لېږدېدونکو ناروغيو د کنټرول برخې مشر شاه ولي معروفي ویلي، پر دې ناروغۍ د اخته کسانو د شمېر ډېرېدو امکان شته دی. چارواکي له خلکو غواړي که په چا کې د دې ناروغۍ نښې ښکاره شي، ژر دې نږدې روغتون ته د درملنې لپاره ورشي.

"طالبان او امریکایان د سولې پر وروستي هوکړه لیک کار کوي"

سرچینه وايي، د وروستۍ هوکړې په اړه په قطر کې د طالب استازو د دفتر اوهمدا راز د دوی د مشرتابه تر منځ په لوړه کچه سلا و مشورې روانې دي. سرچینې د ولسمشر اشرف غني د اختریز پیغام په غبرګون کې وویل، طالبان باور لري چې هر څوک چې پر ولسمشریزو ټاکنو ټینګار کوي، د سولې د روانو هڅو ښکاره مخالف دي.

غزني کې د امان الله خان دورې د بهرنیو سیلانیانو هوټل

د غزني ښار په مرکزي برخه کې اماني هوټل چې یو مهال به په کې د لسګونو بهرنیو سیلانیانو کوربه توب کېده، اوس په یوه پوځي مرکز اوښتی دی. د فرهنګې چارو فعالان وايي، د سیلانیانو دا ځانګړی هوټل او په مقر ولسوالۍ کې د امان الله خان ماڼۍ د اماني دورې دوه تاریخي ودانۍ دي چې اوس په زښته بد حالت کې دي.

اسټرالیا کې کمسارې واوره ورېدلې

په نویو خپرو شویو ویډیويي کلیپونو کې د اسټرالیا یوه داسې کرونده کې چې په واورو پټه ده، کنګرو حیوانان لیدل کېږي منډې وهي. رپوټونه وايي، د نژدې ۱۰ زره کورونو برېښنا پرچا شوې او الوتنې لغوه شوې دي.

ولسمشر غني: له امریکا او ناټو سره نوي تړون ته اړتیا نشته

افغان ولسمشر محمد اشرف غني ويلي، داسې هېڅ یوه هوکړه ورته د منلو نه ده چې په هغه کې د افغان امنیتي او دفاعي ځواکونو پر هویت او ملي واک معامله شوې وي. نوموړي ویلي، له امریکا او ناټو سره د افغانستان امنیتي او دفاعي تړونونه پر ځای دي او نوي تړون ته هېڅ اړتیا نشته

دار الامان ماڼۍ؛ د ۱۰۰ کلن تاریخ د هسکو او ژورو شاهده

د اماني دورې هغه ودانۍ چې د افغانستان د تېر سل کلن تاریخ په اوږدو کې د ټولو ښو او بدو ورځو شاهدې پاتې شوې، ځينو واکمنو پکې له اوسېدو خوند اخیستی، ځینو پکې سرونه بایللي او ځینو نورو بیا په بمونو او توغندیو ویشتلې. دارالامان او تاج بیګ ماڼۍ په دې موده کې څو ځلې ورانې او بېرته رغول شوې ده.

"محسن دوړ او علي وزیر د ترهګرو په زندان کې ساتل کېږي"

د پښتون ژغورنې غورځنګ مشر او د پاکستان د ملي اسمبلۍ غړي محسن دوړ پر ټوېټر پاڼه له دوه نیمو میاشتو وروسته په لومړي ځل د شنبې پر ورځ ټویټ شوی. په ټویټ کې راغلي چې محسن دوړ او علي وزیر په داسې زندان کې ساتل کېږي چې د ترهګرو لپاره جوړ شوی دی

خلیلزاد: طالبانو سره سولې د خبرو اتم پړاو ګټور و

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد ویلي، د افغان سولې په تړاو له طالبانو سره د خبرو اتم ګټور و او پر تخنیکي جزئیات پکې خبرې وشوې. نوموړي پر خپله ټوېټر لیکلي چې د نورې سلا مشور لپاره واشنګټن ته روان شوی دی

چین کې توپان ۳۲ کسان وژلي او ۱۶ لادرکه دي

په چین کې د لکیما توپان له امله د وژل شویو شمېر ۳۲ کسانو ته لوړ شوی او شاوخوا ۱۶ کسان لادرکه دي. ختیځ ساحل کې له ټایوانه د تېر شوي یوه ځواکمن توپان چین سینکیانګ ایالت کې د پنځه میلیونه کسانو ژوند له کړاو سره مخ کړی او شاوخوا یو میلیون کسانو خپلې مېنې پریښي او امن ځایونو ته لېږدول شوي.

افغانستان کې د اختر لومړۍ ورځ په امن کې تېره شوه

د افغانستان امنیتي بنسټونه وايي د لوی اختر په لومړیو ۲۴ ساعتونو کې د دوی د ځواکونو او طالب جنګیالو ترمنځ هېڅ ډول جګړه نه ده شوې. همدا رنګه په بېلا بېلو ولایتونو کې د بي بي سي خبریالان هم وايي چې د لوی اختر په لومړۍ ورځ یې د کومې امنیتي پېښې خبر نه دې ترلاسه کړی

اشرف غني: اوسنی حکومت د سولې په اړه وروستۍ پرېکړه نه شي کولی

افغان ولسمشر د لوی اختر له لمانځه وروسته په ارګ کې خپل اختریز پیغام کې ولس ته وویل، د اوسني حکومت په ورستي پړاو کې سختې پرېکړې امکان نه لري او د سولې لپاره پکار ده چې خلک راتلونکي ولسمشر ته واک ورکړي تر څو د صلاحیت په اساس لويې پرېکړې وکړي

لوی اختر: زرګونه افغان امنیتي کسانو ته د تیارسئ امر شوی

کابل کې د بي بي سي خبریال وايي، سره له دې چې په دا وروستیو ورځو کې افغانستان کې یو شمېر خونړۍ پېښې شوې، خلک د سولې روانو خبرو ته هېله مند دي، د لوی اختر لپاره چمتوالی کوي او افغان حکومت زرګونه امنیتي سرتېرو ته د لوی اختر د امنیت ټینګښت په موخه د تیارسئ امر کړی.