ملي امنیت: کابل کې مو د داعش ۲۶ غړي نیولي

د افغانستان د ملي امنیت اداره وايي، ځانګړو ځواکونو یې کابل کې د 'اسلامي دولت' (داعش) نومې ډلې ۲۶ غړي نیولي. ملي امنیت وايي، دا کسان له بېلابېلو ولایتونو کابل ته د بریدونو لپاره راغلي وو.

د ټلوالې ملاتړو ننګرهار کې د ټاکنو دفتر تړلی

په داسې حال کې چې ملګرو ملتونو افغانستان کې د ځینو سیاسي ګوندونو له خوا د ټاکنیزو دفترونو تړل کېدل د ټاکنو د ځنډ لامل بللی، ننګرهار کې د ټلوالې پلویانو د ټاکنو کمیسیون دفتر تړلی دی.‌

ملګري ملتونه: د سیاسي ګوندونو کړنې افغان ټاکنو ته خنډ جوړوي

د افغانستان لپاره د ملګرو ملتونو د سر منشي ځانګړی استازی تادامیچي یاماموتو وایي، په افغانستان کې د یو شمېر سیاسی ګوندونو وروستي اعتراضونه او د ټاکنو د کمیسیون د دفترونو بندول د ټاکنو پروسې ته خنډ جوړوي، او ان کولی شي چې پخپله ټاکنې له ځنډ سره مخ کړي.

مزار او کندهار کې د ټاکنو د ځنډېدو خبرداری

د افغانستان د ټاکنو خپلواک کمېسون وايي، که په کندهار او مزار شریف کې د ټاکنو کمېسونونو ولایتي دفترونه تړلي پاتې شي، نو دوی به ځانګړې کمېټې ته په دغو ولایتونو کې د ولسوالیو شوراګانو او ولسي جرګې ټاکنو د ځنډېدو وړاندیز وکړي. بله خوا هرات کې د کمیسیون دفتر پرون بېرته پرانیستل شو.

"د پاکستان له لارې د افغان هند تجارت لپاره څه پرمختګ نشته"

د پاکستان د بهرنیو چارو وزیر شاه محمود قریشي دا خبره نه مني، چې دغه هېواد د ځمکې له لارې د افغانستان او هند ترمنځ د سوداګرۍ پیلولو لپاره خبرو ته تیاری ښودلی دی.

عمران خان: پاکستان کې زيږېدلو افغان کډوالو ته پاسپورټ ورکوو

د پاکستان لومړي وزیر عمران خان اعلان کړی چې د افغانستان او بنګله دېش هغو کډوالو ته چې پاکستان کې زيږېدلي د پاکستان شناختي کارډ او پاسپورټ ورکوي. نوموړي دا خبره د یکشبنې پر ورځ کراچۍ کې یوې غونډې ته وکړه.

د ټاکنیزو دفترونو تړونکو ته د کورنیو چارو وزارت خبرداری

د افغانستان د کورنیو چارو وزارت ګواښه کړې، چې د هغو کسانو پروړاندې به ځواک وکارول شي، چې د ټاکنو کمیسیون اړوند دفترونه تړي او د کار مخنیوی یې کوي. دا خبرداری وروسته تر هغه ورکړل شوی چې د لوی ملي ایتلاف په نامه سیاسي ټلوالې پلویانو کندهار او بلخ کې د ټاکنو کمیسیون دفترونه وتړل او پرضد یې اعتراضونه پیل کړل.

ترکیه،‌ یونان او اندونیزیا کې افغان کډوالو له 'جنس‍ي پلوه ځورول کېږي'

د افغانستان د کډوالو چارو وزیر چې تازه له ترکیې کابل ته ستون شوی ویلي؛ ترکیه، یونان او اندونیزیا کې یوشمېر افغان کډوال له جنسي پلوه ځورول کېږي. حکومت دې درېیو هېوادو ته د کډوالو ستونزو هوارولو لپاره ډېر ژر د کډوالو ځانګړې آتشې استوي.

'د افغانستان او پاکستان تر منځ د دیني عالمانو پر ګډې غونډې هوکړه'

افغان ولسمشر محمد اشرف غني د پاکستان د بهرنیو چارو له وزیر شاه محمود قریشي سره په لیدنه کې د دواړو هېوادونو ترمنځ د سولې عمل پلان د پلي کېدو غوښتنه وکړه. افغان چارواکي وايي، ښاغلي قریشي له صلاح الدین رباني سره خبرو کې د دیني عالمانو د ګډې غونډې پر جوړېدو موافقه وکړه.

قریشي او ولسمشر غني د 'عمل پلان' پر پلې کېدو ټینګار وکړ

د پاکستان د بهرنیو چارو وزیر شاه‌محمود قريشي کابل ته په خپل سفر کې له افغان ولسمشر سره په لیدنه کې د سیمې پر ټیکاو، سولې او د دواړو هېوادونو د عمل پلان پر پلې کېدو خبرې وکړې.

فراه کې د اردو چورلکه کې چاودنې څلور کسان وژلي

د افغانستان دفاع وزارت وايي، تېره شپه د فراه خاک سفید ولسوالۍ کې د ملي اردو یوې چورلکې، چې مهمات پکې بار و، بېړنۍ ناسته کړې، چې وروسته مهمات چاودلي، الوتکه ویجاړه شوې او څلور کسان پکې وژل شوي. طالبان وايي، چورلکه دوی ویشتلې، خو کومې رسمې سرچینې د دوی د دې ادعا په اړه څه نه دي ویلي.

د هلمند سولې ولسي کاروان مزار شریف ته ورسېد

د هلمند د سولې ولسي کاروان له کابل نه تر یوې میاشتې مزل وروسته د افغانستان شمالي ښار مزارشریف ته رسېدلی دی. د سولې دغه کاروان غړي وايې چې په مزارشریف کې ېې د سولې غوښتنې لپاره له هلمنده پیل شوی خوځښت پای نه مومي.

"د امریکا د ستراتیژۍ موخه افغان ټیکاو او اسیا کې امن دی"

افغان ولسمشر له امریکايي رسنۍ وایس نیوز سره مرکه کې د افغانستان او سویلي اسیا لپاره د امریکا د ستراتیژۍ پایلو ته هیله من دی او زیاتوي د همدې ستراتیژۍ په رڼا کې دا لومړی ځل دی چې په افغانستان کې سوله تر بل هر وخت ډیره ممکنه ده.

مشعل: بولۍ کې د لوبغاړو اخیستل د خلکو انتخاب دی

د افغان کرېکټ بورډ مشر د ملي لوبډلې د ځینې لوبغاړو دا نیوکې بې ځایه بولي چې د افغانستان غوره لیګ لپاره د لوبغاړو پېرولو بهیر روڼ نه و. عاطف مشعل وايي، (APL ) کې یې د لوبغاړو د پېر بهیر روڼ او د کرېکټ نړیوالې شورا په بشپړه څارنه شوی دی.

غني: د سولې امکانات تر بل هر وخت ډېر دي

د شهید اونۍ په مناسبت د ولسمشر غني خبرې په غیر مستقیمه توګه د افغانستان د ولسي جرګې پرونۍ پرېکړې ته غبرګون بلل کېږي، چې غوښتي یې و، له امریکا سره دې امنیتي تړون له سره وارزول شي. د ښاغلي غني په وینا خلک نه غواړي بیا د پخوا په شان ګوښي پاتې شي. او زرګونه نړیوال پوځیان د افغان امنیتي ځواکونو ځای ونیسي.