'عراق کې د ایراني توغندیو پټ انبار'

امریکايي رسنیو د دغه هېواد د چارواکو له خولې په منځني ختیځ کې د واشنګټن د ګتو پرضد د ګواښ ډېرېدو خبر ورکړی او وايي ایران په پټه په عراق کې د لنډ واټن ویشتونکو توغندیو یو وسله‌تون جوړ کړی دی. نیویارک ټایمز د امریکا د پوځي او امنیتي چارواکو له خولې ویلي، د ایران دا کار د هغو هڅو یوه برخه ده، چې غواړي په منځني ختیځ کې وېره خپره کړي.

عبدالله، حکمتیار او نبیل: په ټاکنو کې د درغلۍ پر وړاندې به درېږو

د افغانستان د ولسمشریزو ټاکنو درې تنه نوماندان؛ عبدالله عبدالله، ګلبدین حکمتیار او رحمت الله نبیل په یوه ګډه خبرپاڼه کې ټینګار کړی چې په ټاکنو کې درغلي شوې او دوی به یې پر وړاندې په ګډه ودرېږي. دوی له یوې ناستې وروسته یوه پنځه مادې لرونکې ګډه خبرپاڼه خپره کړه.

خلیلزاد: د افغانستان داعش ضد جګړه کې طالبان هم رول لري

د افغان سولې لپاره د امریکا ځانګړی استازی زلمی خلیلزاد وايي، د 'اسلامي دولت' داعش ضد جګړه کې پاموړ پرمختګ شوی دی، چې د امریکايي ځواکوو، ناټو او افغان امنیتي ځواکونو سربېره، وسلوال طالبان هم پکې رول لري.

افغانستان کې د جاپانۍ مؤسسې مشر ناکامورا وسله وال برید کې ووژل شو

د افغانستان ختیځ ننګرهار ولایت سیمه ییز چارواکي وايي، نن (چارشنبه) جلال اباد ښار کې د یوې جاپانۍ مؤسسې پر موټر وسله وال برید شوی، چې پنځه افغانان پکې وژل شوي او یو جاپانی وګړی، چې د مؤسسې مشر دی، د ټپونوله کبله مړ شوی.

د ناټو استازی: افغانستان کې د موقت حکومت خبرې بېځایه دي

له بي بي سي سره په یوه ځانګړې مرکه کې نیکولاس کې وویل، افغانستان کې د موقت حکومت جوړولو خبرې بېځایه دي، ځکه په اساسي قانون او د ټاکنو په قانون کې په دې اړه څه نشته. نوموړی وايي، باور لري چې د ولسمشریزو ټاکنو پایلې به ژر اعلان او نوی حکومت به رامنځته شي

د جرمني دفاع وزیره: راتلونکی افغان حکومت باید د سولې خبرې لا پیاوړې کړي

د جرمني د دفاع وزیرې انېګرېت کرمپ کرېنباور له افغان ولسمشر اشرف غني سره ګډه خبرغونډه کې غوښتنه وکړه چې د افغان ولسمشرۍ ټاکنو پایلې اعلان کړي. اغلې کرمپ کرېنباور د دې ټاکنو پایله کې د داسې ځواکمن حکومت د جوړېدو هیله وکړه چې د سولې خبرې لا پیاوړې کړي

د اسیا بنسټ: نژدې ۹۰ سلنه افغانان د سولې د خبرو پلویان دي

د اسیا بنسټ تازه نظر پوښتنه ښيي چې په افغانستان کې نژدې ۹۰ سلنه خلک د افغان حکومت او طالبانو ترمنځ د سولې خبرو ملاتړ کوي. د دې ارزونې له مخې ۶۴ سلنه خلک باور لري چې دا مذاکرات کوای شي پایلې ته ورسیږي. په نظر پوښتنه کې ویل شوي چې د خپل هېواد د وضعیت ښه کېدو په اړه هم د خلکو هیله مندي ډېره شوې.

ډونلډ ټرمپ: افغانستان ته مې سفر ډېر بریالی و، خوښ مې شو

د امریکا ولسمشر ډونلډ ټرمپ ویلي، افغانستان ته یې د تېرې اوونۍ ناڅاپي او نا اعلان شوی سفر ډېر بریالی و د دا سفر یې ډېر خوښ شو. نوموړي ویلي چې له ولسمشر غني سره یې لیدنه هم ډېره ښه وه. نوموړي دا څرګندونې د دوشنبې پر ورځ سپینه ماڼۍ کې رسنیو سره خبرو کې وکړې

د نوماندانو شورا د "ملي ګډون حکومت" جوړولو طرحه وړاندې کړې

د افغانستان ولسمشرۍ ټاکنو د نوماندانو شورا د "ملي ګډون حکومت" په نامه د یوې طرحې وړاندیز کړی دی. دوی وايي، دغه ډول حکومت به د "ټاکنیز محور له روحیې سره سم پراخ بنسټه، د ټولو لوریو او ټولنیزو او سیاسي واقعیتونو د عادلانه او متوازن ګډون په اساس رامنځ ته شي". خو ولسمشرۍ ماڼۍ وايي د دوی طرحه له اساسي قانون سره په ټکر کې ده.

ایران کې لاریونونه؛ ۹ افغانان وژل شوي ۱۲۱ نیول شوي

یوه خبره سرچینه وايي، ایران کې د وروستیو لاریونونو له امله ۹ افغان وګړي هم وژل شوي او ۱۲۱ نور د ایران امنیتي ځواکونو نیولي دي. دا سرچینه وايي، د یوه ۱۸ کلن وژل شوي خپلوانو ورته وویل، د کرج اوسېدونکی دا هلک د سودا اخیستو لپاره له کور وتلی او په نښه شوی دی.

داسې مڼه چې تر یو کاله پورې نه خرابېږي

د یکشنبې پر ورځ د امریکا بازارونه ته د مڼې یو داسې نوی نسل راووځي چې په چمتو کولو کې یې دوه لسیزې وخت لګېدلی، او ادعا کېږي چې په یخچال کې تر یوه کاله پورې هم نه خرابېږي. ویل کېږي چې دا مڼه لږه ستخه او ترسکونه ده او ډېرې اوبه لري، او د نسل په جوړولو یې لس میلیونه ډالره لګېدلي دي

د طالبانو بند کې د استرالیايي استاد کیسه: د افغانستان او پاکستان بېلابېلو سیمو ته یووړل شوو

د طالبانو له بنده د افغانستان امریکايي پوهنتون یوه خوشي شوي استاد ټیموتي ویکس د اسټرالیا رسنیو ته ویلي، د کابو درېیو کلونو بند پرمهال دی او ملګری یې افغانستان او پاکستان کې بېلابېلو سیمو ته وړل شوي وو. نوموړی وايي، د طالبانو او امریکا ترمنځ د سولې خبرو بیا پیلېدو ته خوشحاله دی.

د روغتیا نړیوال سازمان: ۷ زره افغانان په ایچ ای وي اخته دي

د ډسمبر میاشتې لومړۍ نېټه له ایډز ناروغۍ سره د مبارزې نړیواله ورځ ده. د روغتیا نړیوالې ټولنې ویلي چې په افغانستان کې له ۷ زرو ډېر خلک د اېډز په ناروغۍ اخته دي، خو د افغانستان د عامې روغتیا وزارت دا شمېرې نږدې درې زره بولي او وايي دا ناروغي د کنترول په حالت کې ده.

پېښور محکمې د افغان کډوالو د کاروبارونو تنظیم لپاره د قانون چمتو کولو امر کړی

د پېښور عالي محکمې یا های کورټ دوو قاضیانو په خپله پرېکړه کې حکومت ته د افغان کډوالو د کاروبارونو منظمولو تر څنګ د کډوالو له لوري په کرایه د کورونو نیولو لپاره هم د قانون چمتو کولو او نظام برابرولو امر کړی دی. عدالت په خپله پرېکړه کې ويلي چې د دې مسالې په هکله د قانون چمتو کولو واک نه لري.

د لندن پولیس: بریدګر پخوا هم د "ترهګرۍ په جرم" بندي شوی و.

د لندن پولیسو ویلي چې په دې ښار کې د جمعې د ورځې د برید ترسره کوونکی پخوا په زندان کې د "ترهګرۍ په جرم" بندي شوی و. پولیسو ویلي، دغه کس چې تېره ورځ یې لندن کې په چړو دوه کسان ووژل، ۲۸ کلن دی او نوم یې عثمان خان و. هغه تر برید وروسته د پولیسو په ډزو ووژل شو. د لندن پولیسو دا "ترهګریز" برید بللی دی.

OK
This site uses cookies. By continuing to browse the site, you are agreeing to our use of cookies. Find out more