عبدالله: د ملي وحدت د حکومت موافقتنامه د خپلسرۍ په معنی نه ده
د افغانستان د حکومت اجرائیه رئیس ویلي دي چې خلک د هیواد د روان حالت نه راضي نه دي او هغه به د شنبې په ورځ په دې هکله د جمهور رئیس محمد اشرف غني سره خبرې وکړي. هغه وویل تمه لري چې د جمهور رئیس سره په خبرو کې "سالم عق حاکم اوسي". عبدالله عبدالله د پنجشنبې په ورځ یو شمیر ځوانانو ته په وینا کې وویل چې د ملي وحدت د حکومت د جوړیدو موافقتنامه که "د جمهور رئیس د امر د ویتو په معنی نه ده، نو د خپلسرۍ په معنی هم نه ده ". ښاغلي عبدالله وویل چې ځوانان او " د افغانستان د سیاست مشران ټول له مانه گیله لري چې ولی مو دلته ټینگار ونه کړ او ولی مو هلته ټینگار ونه کړ ". ښاغلي عبدالله هغه موارد چې انتظار یې کیده شرحه یې کړي په ډاگه نه کړل خو ویې ویل چې " ما تل حوصله کړې او ویلي مو دي چې انشاالله ټول کارونه په تدبیر سره پرمخ ځي". دا لومړی ځل نه دی چې ښاغلی عبدالله چې د ملي وحدت په حکومت کې د جمهور رئیس غني شریک دی د ارگ پر سیاستونو باندې انتقاد کوي، خو دا ځل یې د خبرو بڼه په زغرده او جدي وه. د افغانستان جمهوري ریاست تر اوسه د ښاغلي عبدالله د څرگندونو په اړه څه نه دي ویلي.
غني:د پولیو ضد مبارزه کې خپلو بچو سره دښمني مه کوئ
افغان ولسمشر محمد اشرف غني د پنجشنبې په ورځ د یو ویډیويي کنفرانس له لارې ټولو والیانو ته سپارښتنه کړې چې د پولیو د له منځه وړلو د ملي پروګرام په تطبیق کې دې د ادارو په ګډې همغږۍ کار وکړي. هغه ویلي چې د هغو کسانو د کورنیو سره باید مرسته وشي چې د واکسینو په تطبیق کې یې خپل ژوند له لاسه وکړی دی. نوموړي ویلي:" واکسیناتوران هم د هېواد د امنیتي او دفاعي ځواکونو په څېر د هېواد د ماشومانو ژوند او روغتیا ساتنه کوی او څوک چې دوی ته تهدید کوي، په حقیقت کې د خپلو اولادونو روغتیا ګواښي". ولسمشر محمد اشرف غني د پولیو په له منځه وړلو کې د قومي شوراګانو،علماو ، قومي سپینږیرو او مدني فعالانو رول مهم ګڼلی او وايي دغه طبقې دې د واکسینو په پروسه کې مرسته وکړي. په دغه ویډیويي کنفرانس کې د عامې روغتیا وزیر فېروز الدین فیروز هم خبرې وکړې او ویې وویل: "د عامې روغتیا وزارت په چوکاټ کې د پولیو د له منځه وړلو لپاره د بیړني عملیاتي ملي مرکز پر تشکیل سربېره یې د هېواد په جنوب، ختیځ او لویدیځ زونونو کې درې عملیاتي بیړني مرکزونه جوړ کړي چې په کابل کې ملي عملیاتي پروګرام سره مسقیم ارتباط لري". هغه وویل دغه مرکزونه په کندهار، هلمند، فراه، ننګرهار او کنړ ولایتونو کې چې د پولیو ویروس خطر په کې زیات دی، تاسیس کړي دي. نوموړي وویل چې د پولیو د له منځه وړلو په برخه کې یې د وزارتونو سره سره له نړیوالو ادارو او پاکستان سره په بېسارې توګه همغږي رامنځته کړې خو ددولت له ولکې وتلې سیمې یې د دغه پروګرام پر وړاندې لوی خنډونه وګڼل. په دغه کنفرانس کې د حج او اوقافو وزیر او یو شمېر والیانو هم خبرې وکړې او وې ویل چې د پولیو د له منځه وړلو په برخه کې به د بې طرفۍ په رعایت سره هڅه وکړي چې د دغې ناروغۍ په لمنځه وړلو کې کوششونه وکړي. په روان میلادي کال کې د افغانستان په کچه د پولیو شپږ مثبت پېښې ثبت شوي چې څلور یې په کونړ، یوه په هلمند او بله د کندهار په ولایت کې ده . د نړۍ په کچه د پولیو وایروس له منځه وړل شوی خو په افغانستان او پاکستان کې لاهم دغه ناروغي د ماشومانو ژوند ګواښي. د عامې روغتیا وزارت ا علان کړی چې د روان ۲۰۱۶ میلادي کال تر اخره به د افغانستان په کچه د پولیو ګردش ودروي.
عبدالله: تروریزم څخه د ګاونډیو د کمزوي کولو هڅه باید بنده شي
اجرائیه رئيس عبدلله وايي، په سیمه کې هغه مهال تروریستي فعالیتونه بندیدلی شي، چې له تروریزم څخه د ګاونډیو د کمزوري کولو لپاره کار اخیستل بند شي.
هلمندد ناوې ولسوالۍ پرمرکز د طالبانو برید په شا تمبول شوی
چارواکي وایي، د هلمندولایت ناوې ولسوالۍ ته پر وخت د تازه دمو افغان ځواکونو د رسیدلو وروسته د ولسوالۍ په مرکز د طالب وسله والو برید په شا تمبول شوی.
روسیې په حلب کې د ورځې درې ساعته اوربند اعلان کړ
د روسیې د دفاع وزارت وايي چې د سوریې د حلب ښار ته د بشري مرستو د رسولو لپاره به هره ورځ د درېیو ساعتونو لپاره اوربند مراعتوي.
د کابل شپږیزه کرکټ سیالیو دویمه ورځ د کابل بازانو او مس عینک اتلانو په نوم
د کابل نړیوال کرکټ لوبغالي کې روانې کورني کرکټ شپږیزه سیالیو د دویمې ورځې سیالیو کې د میس عینک اتلانو د بست ساتونکو او د کابل بازانو د سپین غر زمریانو لوبډلې ته ماتې ورکړه نن د شپږیزه کرکټ لیګ دویمه ورځ، دریمه سیالي کې بست ساتونکو د لوبې پچه وګټله او د میس عینک اتلانو ته یې د توپوهنې بلنه ورکړه، میس عینک د ۲ لوبغاړو په سوځیدو سره د سیالې لوبډلې پر وړاندې ۲۱۰ منډې جوړې کړې. د میس عینک له ډلې نور علي ځدران ۸۹ ، مشهور پاکستاني لوبغاړي کامران اکمل ۶۰ منډې او احسان الله جنت ۴۱ منډې وکړې، د بست ساتونکو لوبډلې لوبغاړو، سید شیرزاد او روښان بارکزي یوه ـ یوه ویکټه واخیسته. د بست ساتونکو لوبډلې ورکړل شوی ۲۱۰ منډې هدف پوره نه کړ، د ټولو اورونو په لوبولو سره یې ۱۵۸ منډې وکړې او په ۵۲ منډو یې میس عینک اتلانو ته لوبه وبایلله. د میس عینک لوبډلې لوبغاړي رحمت شاه ۳ لوبغاړي، مجیب دوه او ګلبدین نایب یو لوبغاړی وسوځاوه. د لوبې غوره لوبغاړی نورعلي ځدراڼ وبلل شو.. دویمه لوبه د سپین غر زمریانو او کابل بازانو ترمنځ وه ، د لوبې پچه د سپین غر زمریانو وګټله او خپله یې د توپوهنې پریکړه وکړه، په ټاکلو شلو اورونو کې یې د ۹ لوبغاړو په سوځیدو ۱۳۲ منډې جوړې کړې. له ډلې یې زیاتې منډې د پاکستان نه ورغلي لوبغاړي ناصر جمشید ۴۷ او شبیر نوري ۳۵ منډې وکړې، له مقابلې لوبډلې څخه راشد ارمان ۳ لوبغاړي، امیر حمزه ۲ لوبغاړی، میلمه لوبغاړي محمد سمیع ۳ لوبغاړي او کریم جنت یو لوبغاړی وسوځاوه. کا بل بازانو په اتلسم اوور کې د ۳ لوبغاړو په سوځیدو سره ورکړل شوی هدف پوره کړ او لوبه یې په خپله بریا پای ته ورسوله. له ډلې یې زیاتې منډې محمد شهزاد محمدي ۷۷ او جنت کریم ۳۱ منډې وکړې. د لوبې د غوره لوبغاړي راشد ارمان شو او د مشرانو جرگې مشر ښاغلي فضل هادي مسلمیار جایزه ورکړه.. د دویمې ورځې د پای سره د کابل بازان دوه بریایو سره اول ،د مس عینک اتلان ،د بند امیر ښاماران د یو یو بري سره دویم او دریم او امو نهنگان او بست ساتونکي د یوې یوې ماتې سره څلورم او پینځم او سپین غر بازان د دوه پرله پسې ماتو سره په شپږم مقام دي. هر ټیم ته پینځه لوبې کول دي.
لشګرګاه د سقوط په درشل کې
افغان چارواکي وایي د لشګرګاه شاوخوا سیمو کې د طالبانو سره د سختې جګړې په ترڅ کې د هلمند مرکز ته د چهارشنبې په ورځ تازه دمه قوا ورسیده.
د کانونو غله ونیول شول
د افغانستان د کورنیو چارو وزارت وایي څلور کسان یې په پروان کې د یو معادن د ناقانونه سپړنې پر مهال لاس په لاس نیولي دي.
نیکلسن: ننګرهار کې د داعش سلګونه جنګیالي وژل شوي
په افغانستان کې د ناتو او امریکایي ځواکونو عمومي قوماندان وایي په تیرو دوو اونیو کې د امریکا د متحده ایالاتو په ملاتړ افغان ځواکونو د داعش شاوخوا ٣٠٠ جنگیالي وژلي دي. جان نیکلسن وایي د ننگرهار په ولایت کې تعرضي عملیات د امریکا د متحده ایالاتو د هغو عملیاتو یوه برخه ده چې هدف یې په ټوله نړۍ کې د اسلامي دولت ډلې (داعش) ځپل دي. د داعش ډله چې د اټکل له مخې د افغانستان په درې یا څلورو ولسوالیو کې شتون لري، تیره میاشت یې په کابل کې د هزاره لږکیو پر لاریون باندې د برید مسؤلیت ومانه چې په کې لږ تر لږه ٨٠ تنه وژل شوي وو. جنرال نیکلسن د چهارشنبې په ورځ د هند په پلازمینه نوي ډیلي کې خبریالانو ته وویل، افغان ځواکونه د امریکا په ملاتړ د اسلامي دولت د ډلې پر وړاندې د ترهگرۍ ضد عملیات پرمخ بیایي "دوی ددغه سازمان څو مهم مشران او نژدې ٣٠٠ جنگیالي وژلي دي". هغه زیاته کړه "د پوره شمیرې ترلاسه کول مشکل دي، خو دا په افغانستان کې ددې سازمان لږ تر لږه د ٢٥ فیصدو جنگیالیو له منځه تلل دي چې هغوی ته یوه سخته ضربه ده". د اسلامي دولت ډله دمخه په افغانستان کې د طالبانو په پرتله یو کوچنی گواښ گڼل کیږي. د سه شنبې په ورځ په افغنستان کې د ناتو ماموریت پوځي مقاماتو وویل په ننگرهار کې یو شمیر امریکایي سرتیرو وروسته له هغې چې داعش پرې برید وکړ مجبور شول چې خپل تجهیزات او وسلې پریږي او په شا لاړ شي. د داعش جنگیالیو په انترنیټ کې هغه تصویرونه خپاره کړي چې یو شمیر امریکایي وسلې او مهمات په افغانستان کې د دوی د جنگیالیو په لاس کې دي.
د کندز د ملي امنیت رئیس په یو برید کې ټپي شوی
چارواکي وایي، د کندز د ملي امنیت رئیس، په موټر نن سهار وختي وسله والو ډزې کړي چې له امله یې هغه ټپي شوی، خو روغتیایي حالت یې ښه دی.
پخواني چارواکې: ټرمپ به خطرناک جمهور رئیس وي
د ملي امنیت په چارو کې پنځوسو پخوانیو سلاکارانو خبرداری ورکړی چې سپینېماڼۍ ته د رسیدو په صورت کې به ډانلډ ټرمپ د متحدو ایالتونو په تاریخ کې یو "ستر بي پروا" جمهور رئیس وي. د امنیتي چارو دغه پوهان وایي چې ټرمپ د جمهوري ریاست لپاره "لازم شخصیت، ارزښت او تجربه" نه لري. د هغو کسانو په ډله کې چې په لیک یې دستخط کړی، اکثرو ېې له وړاندې نه د ډانلډ ټرمپ له نوماندۍ سره مخالفت درلود. پدېکې د استخباراتو او کورني امنیت پخواني رئیسان، د جمهوریت غوښتونکو د پخوانيو جمهور رئیسانو ستر سلاکاران او نور شامل دي. په لیک کې چې یوه کاپې د نیویارک ټایمز لخوا خپره شوې په ډاګه ویل شوي چې که ټرمپ جمهور رئیس شو نو د متحدو ایالتونو ملي امنیت به له خطر سره مخامخ کړي. د متحدو ایالتونو د جمهوري ریاست لپاره د جمهوریت غوښتونکو نوماند په ګوند کې دننه له سختو ستونزو او جنجالونو سره لاس او ګریوان دی. د لیک په یوه برخه کې راغلي: "موږ پدې معتقد یو چې هغه (ټرمپ) به یو خطرناک جمهور رئیس وي او زموږ د هېواد ملي امنیت او سلامتیا به له خطر سره مخامخ کړي." که څه هم چې په لیک کې ویل شوي ندي چې آیا دغه کسان به د ټرمپ دیموکراتې سیالې، هیلري کلنټن ته رایه ورکوي خو دا په ډاګه لیکل شوي چې لدې پنځوسو کسانو څخه به یوه هم ټرمپ ته رایه ورنکړي. پدې تړاو دانالډ ټرمپ غبرګون ښودلی او ویلي چې دې چې دې د خپل هېواد لپاره عالي لیدلوری لری. ټرمپ د لیک لاسلیک کونکي او خپله سیاله، هیلري کلنټن پدې تورنه کړې چې د داعش ډلې ته یې د سر پورته کولو اجازه ورکړې ده. لدې سره سره، د ټرمپ او هیلري انتخاباتې منډې ترړي په درز سره روانې دي. د میشیګن ایالت د ډیترویت په اقتصادي خونه کې د خپل اقتصادي پلان د تشریح کولو پر مهال، ښاغلي ټرمپ ژمنه وکړه چې پر امریکایانو به مالیه را کموي. ښاغلي ټرمپ وویل "زه د ټولو لپاره پر عایداتو د مالیې د کمولو وړاندیز کوم په خاصه توګه د منځني طبقې پر امریکایانو باندې. دا به نوې او ډیر ښه معاش لرونکې دندې پیدا کړي. بډای به خپله برخه ورکوي خو هیڅوک به هومره مالیه ورنکړي چې وظایف له منځه یوسي او یا د یو ملت په توګه زموږ وړتیا ته دومره تاوان ورسوي چې له نورو سره سیالی ونکړی شو. هاخوا دیموکراته نومانده، هیلري کلنټن په فلوریدا ایالت کې امریکایانو ته د دندې موندلو په لارو چارو وغږیده. ژمنه یې دا وه چې "زه غواړم د دندو په پیدا کولو او د عاید په زیاتولو کې مرسته وکړم. زه به د خپل کار په لومړیو سلو ورځو کې له دواړو ګوندونو سره کار وکړم چې تر دویمې نړیوالې جګړې وروسته د دندو د موندلو سترې پانګونې ته رایه ورکړي. د امریکا عمومي انتخاباتو ته شاوخوا درې میاشتې وخت پاتې دی او پدې موده کړې دواړه نوماندان، میرمن هیلري او ټرمپ هڅه کوي چې خپل پروګرامونه خلکو ته تشریح کړي.
سږکال ۲۴۰۰۰ افغانان حج ته ځي
د افغانستان د حج او اوقافو وزارت وايي ټاکل شوې چې سږکال ۲۴زره افغانان د حج لپاره عربستان ته ولاړ شي. پر هر حاجي باندې ۲۳۰۰ ډالره لګښت راځي.
وزیري: د اچین په عملیاتو کې سلګونه داعش جنګیالي وژل شوي
د افغانستان په ختیځ کې د داعش د ظهور په لومړنۍ سیمه اچین کې ددغې ډلې پر وړاندې د قهر سېلاب عملیاتو لړۍ د مامند تنګي په خوله کې روانه ده . د مامند دره او پېخې خوړ دوه هغه سیمې دي،چې د داعش ډلې زور ور ټول شوی او له حکومتي ځواکونو سره په کلک مقاومت کې دي. عملیات له تېرو دوو اونیو راهیسې پیل شوي،حکومت کابو پنځه کیلومتره مخکې تګ کړی، خو د سوکه تلو لامل یې په یوه خوړ د سېلاب راوتو له امله د لارې خرابي ګڼل کېږي. په پاکو شویو سیمو کې نژدې ټول کورنه خالي او ځینې یې ان کنډواله شوي دي. مونږ د شډل بازار ته ورسېدو هغه چې حکومتي ځواکونو په تازه عملیاتو کې نیولی دی. دغه بازار هیڅ داسې نه ښکاري،چې ګوندې یو وخت دې پکې سلګونو کسانو پیر او پلور کوو. بڼه یې بیخي بدل شوې، د اکثرو یې چتونه رالوېدلي،څه یې سوځېدلي او ځینې یې بیخي ړنګ شوي دي،په ټوله کې ددغې بازار وضعیت د یوې ترخې جګړې او تباهۍ ګواهي کوي. د حکومت لخوا په نیول شویو سیمو کې نژدې ټول کورنه خالي دي،ځینو ته قلپونه پراته دي،خو ډېر یې داسې دي چې دروازې یې ړنګې شوي او د سیمه ییزو خلکو په باور داعش د د قرارګاوو او سنګرونو په توګه ګارولي دي. ددې سیمې اکثره خلک وروسته له دوو کالو د خپلو مېنو لیدلو ته ورغلي. دوی وايي که ټولې سیمې پاکې شي نو له سختۍ او کډوالۍ ژونده به خلاصی پیدا کړي. سید پاچا د اچین ولسوالۍ اوسېدونکی دی، هغه وايي:"مونږ سره داعش ډېر ظلم کړی دی،که ټولې ساحې پاکې شي او مونږ ته موقع برابرې شي نو مونږ به بېرته خپلو کورنو ته لاړ شو". ځايي خلک وايي حکومتي دې نیولې سیمې د راتلونکې لپاره وساتي کنه له عملیاتو وروسته بیا ځلې هم د وژنو لړۍ پیلېدلی شي. په ختیځ زون کې د ۲۰۱ سېلاب قول اردو قوماندان ډګر جنرال محمد زمان وزیري هم د جګړې لومړۍ کرښې ته ورغلی، هغه وايي عملیات یې بریالي دي،خو ځايي خلک باید د خپلو دروازو قلپونه برسېره کړي. هغه وايي: " نورې ټولې ساحې پاکې شوي دي، دمامند درې خولې ته رسېدلي یو او د پېخې خوړ پاتې دی، ډېر ژر به هغه هم پاک شي،خو خلک باید خپلو کورنو ته راشي". نوموړی وايي په دغه کډو عملیاتو کې یې سلګونه داعش جنګیالي وژلي دي. حکومت وايي په ننګرهار کې اکثره جنګېدونکي داعش وسله وال پاکستاني دي،خو د ازبکستان،چیچنیا او ځینو نورو هېوادونو اوسېدونکي هم دلته جګړې له راغلي دي. په دغو عملیاتو کې د ناټو ځواکونو طیارو هم د افغان ځواکونو ملا ورتړلې. د افغان ولسمشر په امر دغه داعش ضد عملیات په هممهال ډول،کوټ، نازیانو او هسکې مېنې ولسوالیو کې هم دوام لري،چې ډېرو سیمو یې داعش جنګیالي ویستل شوي دي. د ننګرهار ولایتي ادارې ویلي چې له داعشه په پاکو شویو سیمو کې د بیا روغونې د ګڼو پروژو پلي کېدا یې په لومړیتوبونو کې ده دي.
څیړنه – د مدیترانې خواړه د دماغ د سلامتۍ ضمانت کوي
د مدیترانې د حوزې د وگړو په څیر له غذایي رژیم نه گټه اخیستنه ښایي د مغزو د ښه سلامتۍ او په زړښت کې د اداراک له کمو خطرونو سره د مخامخ کیدو لپاره گټوره وي.
مسلمان زده کوونکي د تګزاس پر پولیسو او معارف دعوه کړې
هغه تنګي مسلمان امریکايي د تکزاس د فدرال ادارې ضد دعوه کړې، چې پولیسو په کور کې د یو ساعت د جوړولو له کبله نیولی وی.
