په بمبيي کې کونسل ولسمشر کرزي پسې تبليغات کوي

مردان علي د افغانستان څه ښه استازيتوب کوي!! په پونی کې د محصلينو پوښتنه نه شي کولای خو دا ډول محفلونو ته تللی شي.

په بمبيي کې د افغانستان کونسل مردان علي قاسمي د ولسمشر حامد کرزي پسې منفي تبليغات کوي. ه په هندوستان کې يو شمېر محصلينو ټول افغان ته د دې خبرې پخلی کړی دی.

کونسل قاسمي په مجلسونو کې خلکو ته وايي چې ولسمشر حامد کرزی هندوستان ته سفر په مهال له سپکاوي سره مخ شوی و. د نوموړي سره په مجلس کې ناست کسان وايي مردان علي وايي چې هندوستان د ولسمشر حامد کرزي هاغه مهال سپکاوی وکړ چې هندوستان ته د رسېدو په مهال یې ورته د بهرنيو چارو د وزارت د تشريفاتو مشر ورلېږلی و او ولسمشر یې ډېره موده په دې ايسار کړی چې ګنې په پاسپورت کې یې ستونزه وه.

کونسل قاسمي چې د افغانستان استازيتوب کوي او ولسمشر حامد کرزي په خپل لاسليک په دنده ګمارلی دی ويلي دي چې د هندوستان حکومت ولسمشر کرزي ته ډېر په سپکه سترګه ګوري. يو شمېر محصلينو ته قاسمي دا خبره د ولسمشر کرزي د کمزورتيا د دليل او نمونې په توګه کړې ده.

قاسمي چې بايد په بمبيي او شاوخوا سيمو کې (د پونی په شمول) د افغانستان د ګټو د ساتلو مسوليت په غاړه لري خو دی د دې پرځای د افغان ولسمشر پسې تبليغات کوي.

مخکې د قاسمي په اړه ويل شوي و چې دی د افغان محصلينو شړل د دې پورې تړي چې د افغانستان او پاکستان اړيکې ښې کېږي او د دولت د مخالفينو سره دولت مذاکرات پيلوي. نوموړي محصلينو ته ويلي و چې څومره افغانستان پاکستان ته نږدې کېږي نو هومره به ډېر افغان محصلين له هندوستان څخه شړل کېږي.

خو د مردان علي دا کمزوری او تبليغاتي تحليل هغه وخت بې ځايه او غرضي وخوت چې د رسنيو د رپوټونو او يو شمېر مخلصو چارواکو د هڅو په نتيجه کې هندوستان د محصلينو د شړلو پرېکړه په ۲۴ ساعتونو کې حل کړه. دا دې روښانه دليل دي چې مردان علي د افغان محصلينو د ستونزو او د افغانستان د ملي ګټو په خدمت کې پاتې راغی.

که افغان حکومت رښتيني ملي حکومت وي نو بايد د مردان علي غوندې د ټيټيې سويې کسان، توکم پالونکي، متعصبه او غافله چارواکي سمدستي د بهرنيو چارو وزارت له چوکاټ څخه وباسي او هغه ګنده توخم چې ډاکتر عبدالله د بهرنيو چارو په وزارت کې کرلی دی سمدستي پاک او ولس مطمين کړي.

په بمبيي کې د مردان علي په دنده پاتې کېدل به دا مانا لري چې افغان حکومت ملي نه بلکې تقسيم شوی کېک دی چې هر سړی په کې خپله برخه خوري او د ملت ګټې په حکومت کې خواخوږی نه لري.

په هندوستان کې زده کړيالانو د ناورين په اړه نورې خپرې شوې ليکنې: