بيا اسمان د انتقام ټنده تروه کړه

بيا ورېځې د وحشت را خپرې شوي

اوس به وشي د سرو وينو بارانونه

#####

اوس مې کلى دى وحشت په سر اخيستى

اوس د ښار واکمنو ډک کړل شاجورونه

اوس د کلي اوسېدونکى ترورېست دى

اوس د ښار د اوسېدونکي مرګ روا دى

اوس به وبهيږي سرې وينې رودونه

#####

اوس به ورځې د مر ګونو رارسېږي

چې د وينو تويول به جرم نه وي

نو ټول خلک دې وسلې خپلې ر اواخلي

له قاتلونه دې واخلي انتقام خپل

څوک چې چاته خنډ د مخې ګرځېدى شي

له هغو ځينې دې ووهي سرونه

#####

اوس به ورک له ويښو مېندو نه بچي شي

ماشومان به بيا شهيدې مېندې روي

او پلرونه به شي مړه د اولاد مخ کې

د ماشوم نفس به خيژي د پلار غېږ کې

د زاريو غږ به ټپ کړي توپکونه

#####

په فضا کې به د سويو غوښو بوى وي

د بارودو وينو مړيو بوى به ګډ شي

د ګلابو بوى به پرېنږدي چې خور شي

#####

د وطن په وږيو سپيو زېرى وکړئ

چې به بيا کله له لوږې نه مړه نه شئ

وي پراته به درته ډېر ډېر اندامونه

وي پراته به درته ډېر ډېر اندامونه