زما د قتل په نيت راغله خو زړګى يې يووړ
ژوند يې په سترګو کې رواړى و مرګى يې يووړ
بېخي ناځوانه و دا کار خو د کولو نه و
ډېر چې پر قام باندي مين و ها سړى يې يووړ
چې له مودو وروسته زموږ پر لوري راغى يو ځل
څنګلوري زموږ پر خاوره نه غوښت چې سپرلى يې يووړ
له پردو ځکه ګيله نه کوو معلومه سوه نن
دا خو د کور غل په خبر و چې غمى يې يووړ
خلګ ماتم کوي پر مړي چې ښخېږي کله
موږ ورته ګورو هديرې ته يو ژوندى يې يووړ
ابدال خو هسې ستاد مينې دعوه ګيره نه دى
د نښانې په ډول ستا د لاس بنګړى يې
15.07.2010
- سيد شاه سقيم
سقيمه اشنا سلام !ګوره زړګيه ! زه د ماوس په ټکولو ليک درته ليکم ، زړه کې مې دومره زور نه شته ، نه دا ښاپېرۍ پېژنم ، نه يې له ليکنې او کيسې خبر يم ، نه ورسره کوم کار لرم ، که دا کار زموږ کوم ملګري د خوش طبعۍ لپاره کړی وي ، که يې په دې نيت دا کار کړی وي ،چې يوه شېبه د خلکو پام له دې نورو لانجو ګونجو نه واړوي ؛نو خير دی پروا نه کوي ، زه يې هم ډېره جدي نه نيسم ، د نازو انا د فلسفې له مخې چې ژوند د ګل يوه خوله خندېده دی. پرېږده ،چې د يارانو ذهن ريفريش شي ....
17.07.2010
- سيد شاه سقيم
دزړه پرهرکې مي ستا درد او یاد ودان دي راته
زه یم یوازې مګر دوى دواړه یاران دي راته
وختونه تېرشول بلا ډېر څه مو تر شا پرېښودل
هر څه اسان دي مګر ستا هېرول ګران...
