خېر دی زه بيا راځم جانانه اوښکې مه تويوه
هيڅ نه جوړېږي له خفګانه اوښکې مه تويوه

ظالمان شته دي ، دا منم خو ځينې ډېر ښه هم شته
سېلاب يې يونسي اسمانه اوښکې مه تويوه

ستا دېرش کلن ټپ ته لګيا يو مونږ ملهم لګوو
جوړ به شې اې افغانستانه اوښکې مه تويوه

ګرانې بنګړي به درته نور راوړم ــ ماـــ نه ماتول
دا غلطي وشوه له ما نه اوښکې مه تويوه

مونږه ولاړ يو ستا دښمن به خدايږو ژر ووژنو
اې پېښوره پر مونږ ګرانه اوښکې مه تويوه

د لېمې له يادولو سره يې كاپي كول پروا نه لري