نیمه شپه ده زما دیار ډېوه روښانه
ده ،د چا په انتظار ډېوه روښانه ؟


یوه ناوې هر ماښام په هدیره کې
بلوي په یوه مزار ډېوه روښانه


دچا پت ،د چاناموس پکې لیلام شول
هيچا نه کړه د دې ښار ډېوه روښانه


سيلئ! نور د پتنګانو ازار مه وړه
نوره پرېږده په کرار ډېوه روښانه

بېګا بیادچا پرديس جانان په تلو وو
تاوېدله  تر چينار  ډېوه  روښــــــــانه

بس وهل مو په تيارو کې تيندکونه
ښکاره نه شوه ټوله لار ډېوه روښانه

که راتلې په هديره اشنا ځونډيه!
زما خواته کړه يو وار ډېوه وښانه