د کلي مينځ کې دپنجو په څوکو تله لېونۍ
لکه کوتره مي له ورايه وليده لېونۍ
د سيخکو کتار يې جوړ وو د اوربله ځيني
په يو نظر يې زړګی وېوړه د ګوګله ځيني
په سرومنګلو يې لاس تېرکړ د کاکله ځيني
په هر قدم کی لکه لښته ماتېده لېونۍ
لکه کوتره می له ورايه وليده لېونۍ
خپلو همزولو سره وتې په چکروو نه
ښکلى موسم د پسرلي او مازيګر وو نه
د پلو لاندې پټ کاته يې په هنر وو نه
د نجنو مينځ کې لکه شمع بلېده لېونۍ
لکه کوتره می له ورايه وليده لېونۍ
يو يې په غاړه سورکميس ګل بخمل وو نه
په جګه پوزه د چارګل يې جلوبل وو نه
دا خوشبويي چې په ګډا ترې د سنبل وو نه
په افغاني لباس کې ښکلې ښکارېده لېونۍ
لکه کوتره می له ورايه وليده لېونۍ
31.08.2008
- سيد شاه سقيم
مېرمن کلتوری- ټولنيز بهير او په کابل کې د ميډيوټيک کلتوري مرکز په پام کې لري د ځوانې او تکړه شاعرې او ليکوالې طوبې ندا ساپۍ د نوي چاپ شوي ناول (په سترګو کې ليکل شوې افسانه) د مخکتنې غونډه جوړه کړي.
له افغان مېرمنو او د ادب له ټولو مينه والوڅخه هيله کېږي چې په خپل ګډون غونډه لا درنه او رنګينه کړي.
پروګرام:
• د کتاب په اړه ويناوې• مشاعر...
05.09.2008
- سيد شاه سقيم
مساپري يانې دغمونو اودردونو زانګو.نه ستړې کېدونکي اونامالوم منزل ته د رسېدو په هيله دغرونو اودښتونو نا پايه مزلونه وهلو ته مساپري وايي . دشپي دتيارو اوپه ورځ كې د ټكنده غرمو څادر په خپلونازکو اوږو اچولو ته مساپري وايي . لکه د لالهانده اوويشتلې هوسۍ په څېر دزخمي ملګري زګېروي اورېدلو ته مساپري وايي . د سراب غوندې د نامالومه منزل په هيله اوتر ، اوتر كتلو او منډي وهلو ته مساپري وايي.مساپري !!! له ما وروسته خلك به...
