ستا په اننګو کې چې د چا د وينې رنګ دی
زما د پاکې مينې حقيقت پکې څرګند دی

ما وېل سترګې دي خوږې دي
دې وېل تورې په رنجو دي
ما وېل مينه دي سور اور دی
دې وېل يار زما ملنګ دی

ما وېل زما سره اشنا شه
دې وېل زموږ کلي ته راشه
ما وېل مينه رسوا کېږي
دې وېل دا دمينی خوند دی

ما وېل ښکلې دي ځواني ده
دې وېل مينه رسوايي ده
ما وېل زه دي لېونی کړم
دې وېل يار مي غنمرنګ دی

ما وېل سپينه خوله دي راکړه
دې وېل مينه کړې بې باکه
ما وېل زړه ته مي نژدې يې
وېل زه شمع يار پتنګ دی

ما وېل راشه مازديګر ته
دې وېل دربه شم ګدر ته
ما وېل لاره به دي څارم
وېل منګی مي شين په څنګ دی