چې خبر شومه په مرګ دځوان ننګیال
شوم غمګینه زړه خفه شو بې مجال
د احساس تاثیر په قلب د هر شاعر وي
ستا وه ښکلې مرتبه د نازک خیال
د وطن ورانی هر چاته بې هیڅ نه وي
څوک په سره مرمۍ شهید شی څوک په چال
دردونکې جنازه ډک له احساسه
خښوي د وطن زوی دی بې مثال
تر ابده به وي ملاست په تفکر کې
دا زموږ د زړه همراز اسحاق ننګیال
ستا په مغز او تفکر کې اوس باقي دي
هغه شعر هغه نثر هغه خیال
پیرزو مشه داسې مرګ د چا دښمن ته
چه وطن یې ورته خوږ وي په هر حال
رب دي تاته جنتونه در نصیب کړي
مرتبه دي تل بلنده د کمال
افغاني وطن تمام مرګی مرګی شو
بیا داغداره شو زړګی دي په ننګیال
