دې زړه ته مې راپيښه څه عجيبه خادثه ده
غالبه پرې دا ستا د تورو سترګو يارانه ده
لا سم راغلى نه يې او د تلو خـبرې وايـې
جانانه ته به وايې سم په ژرنده كې شـپه ده
ثانـي د حسن نه لري ناصحه لنډا دا چـې
له واورې نه ده سپينه او له ګوړې نه خوږه ده
رقيبه! د نفرت پوكي دي ټول شول بـې اثـره
زما او د يار مينـَه خو لا هغسې تـوده ده
دا تكه سپينه ټنـډه يې د تورو زلفو لاندې
زړګيه! ته به وايې د تور غر لاندې چينه ده
قـدرته! هيرېدل يې راته ځكه دي ګران شوي
د زړه په دنګ چينار مې څانګې څانګې راخوره ده
د لـــېــمــې درنو لوستونكو ! د يو لړ تخينكي ستونزو له امله غزل په سمه توګه نه وه پر ليكه شوې هيله كووم بخښنه راباندې ولوروئ .
او كومې تبصرې چې زما په نوم شوې هغه د كوم بل ورور له خوا زما په نوم شوې دي دا چې تاواني نه دي نو ړنګول يې هم بې ځايه بولم
په درنښت ستاسو سيد شاه سقيم
