لكه سپرلى د ژوندانه غوټۍ ګلونه سپړي
جانانه ستا د بېلتانه غوټۍ ګلونه سپړي
 اوس به يې خوږ بوى په څلور كونجه دنيا كې خپور سي
سوكه سوكه د پښتانه  غوټۍ ګلونه سپړي
هغه وخت تېر سو چې په مازې باد به ورزېدل
زمونږ په مالت كې اوس دارنه  غوټۍ ګلونه سپړي
پردى سړى وم درنه هېر شومه په نه خبره
ستا په زړګي كې كوربانه  غوټۍ ګلونه سپړي
چې يې له ډاره دښمنان بد بد خوبونه ويني
د هغې مور په ځنګانه  غوټۍ ګلونه سپړي
حقمله ! تا چې ورته تېرې كړلې ډېرې ورځې
نن د هغې د ګرېوانه  غوټۍ ګلونه سپړي