ستا د رضا دامیدونو سجدې
ربه! ستا در کې د عذرونو سجدې

د ګناهونو  منزلونه جوړ دي
غواړم ادا  د ګناهونو سجدې

ستا دغفار کریم رحیم له نومو
شي که قبول د طاعتونو سجدې

زاهده !ځانته چې مغروره نه شې
زه یم پیرو د پاکو زړونو سجدې

څوک دی عابد ستا ددوزخ له ویرې
څوک کړي سجدې د ثوابونو سجدې

چې مسلمان دى او قایم په خپل دین
کړي پنځه وخته د فرضونو سجدې

که افغاني !وطن کې سوله راغله
زه به ادا کړم د نفلونو سجدې