٠  سترگې د زړه دروازې دي د هغو ساتنه وکړئ؛ ځکه چې ټول افتونه له همدې لارې داخلېږي.
٠  خلک وايي چې زه د مړ کېدو والا يم مگر عمل داسې کوي چې زه به هيڅکله نه مرم.
٠  زما خوښېږي چې زه د مومن د سينې ويښته واى.
٠  له گيلو او شکايتونو نه خوله بنده کړئ، نو راحت به ترلاسه شي.
٠  ښه پوښتنه کول نيمايي علم دى.
٠  ته هغه خلک ولې غلامان کوې چې له موره ازاد پيدا شوي.
٠  د گناه پرېښودل د توبې له کړاو نه ډېر اسانه دي.
٠  گناه تياره ده او د هغې چراغ توبه ده.
٠  قبر تياره ده او د هغې چراغ کليمه طيبه ده.
٠  په هغه ورځ وژاړئ، چې ستاسې له عمر کمه شوه او الله(ج) مو په کې ياد نه کړ.
٠  ما په نوي رخت کې مه دفن کوئ، د نوي رخت وړ هغه څوک دي چې ژوندي او بې جامو دي.
٠  پر هر هغه چا چې نصيحت اثر نه کوي هغه پوه کړئ، چې دده زړه له ايمان څخه خالي دى.
٠  د چا چې د ژړا ځواک نه وي هغه به پر ژړېدونکو څه رحم وکړي.
٠  د هر شي د ثواب يوه اندازه وي غير د ثواب د صبر چې هغه بې اندازې دى.
٠  هر هغه څوک چې په لومړني اسلام کې مړه شول هغه ډېر خوش نصيبه دي.
٠  علم د پيغمبرانو ميراث دى او مال د کفارو، فرعون ،قارون  او نورو.
٠  هغه علما د څښتن(ج) دښمنان دي چې اميرانو ته ورځي او هغه اميران د څښتن(ج) دوستان دي چې علماو ته ورځي.