ستا خبرې دې خوږې غبرګې سندرې
يا رنګينې د طاوس زرې وزرې
خوار زړګی مې لکه مار اوده کې واخلي
چف کوې را باندې زر رنګه منترې
دا مين زړه مې د څه په بدل اخلې ؟
راته وايه ای د زړونو سوداګرې
له زړه غوټو مې د شعر غمي جوړ کړه
کينه زړه کې مې د شعر جادوګرې
خدای دې ټينګ کړه دې يرغل ته ای زړګيه
يار لري سترګو کې بې دريغه لښکرې
د سيلاب غوندې مستي لرې په زړه کې
نړوې مې د زړګي هسکې کمرې
يوماشوم درد مې ويده د زړه زانګو کې
چې راويښ شي رانه غواړي ستا خبرې
يوې ښکلې په سينه تور (لونګ ) لوټ کړ
زړه تر ې يووړ له ځيګره زورورې
٢٠٠٦ / ٩ / ١٣
02.11.2007
- sapand
بوډۍ چې مخ یې لمر او دوړو توربخن کړی وو په کړوپه ملا او رېږدېدلو پښو د کوچنوټی اومید سره په وچه دښته کې پر مخې روانه وه سا یې لنډه لنډه کېده داسې ښکارېده چې د پلو کوشنۍ غوټې ستومانه کړې وي، خو دې په ستومانتیا فکر نه کاوه یوازې یې د لارې په لنډولو باندې سوچ کاوه، هغې د خپلې نږور سره ژمنه کړې وه چې سبا ته به بېرته راځي، ځکه دا یې د کور مشره او نارینه وه.وار وار به د کوچنوټي اومید په سترګو کې اوښکې راښکاره شوې؛ ستونى به یې له ژړا ډک شو؛ شونډې به یې بوڅې بوڅې شوې او زړه به یې غوښته چې چغې ووهي،...
03.11.2007
- sapand
شپه ترنیمايي ښه تېره وه چې ((ټک...ټک..ټک...))دسرای وروټکول شو.دې کار ښځه نېغه په ځای کې راکښېنوله وارخطا یې څنګ ته پروت سړی وڅانډه :- پاڅه...هله پاڅه چې ورټکېږي .سړی خوبولی له ځان سره وګوڼېدپه بل اړخ شو.خوښځې لا په زوره پسې وڅانډه:- ژرشه چې ورټکېږي.اوژړغونې یې پرې ورزیاته کړه:- وۍ خدایه بربادشوم.دې خبرې یې سړی هم جست په ځای کې راکښېناوه.ټکان خوړلي یې وویل :- (ور!)ټکېږي؟...څوک؟ښځې هماغسي ژړغوني ورجوخته کړه:- بل به نوڅوک وي...مېړه مې دی.اوبیاخدای ته په زا...
