دا ځلې ماته هم ترې موټي کې خواږه راوړه
ريباره ورشه په څه چل يې ترېنه زړه راوړه
خپل نغري کې مو له خپلې لمن اور اخيستی
سپينې کوترې! په مښوکه کې اوبه راوړه
دښمن يې تېر اېستو په مازې یو قلم غنيمت
سخت مېړنی و، تېره توره پښتانه راوړه
زمونږ سترګې انتظار کې درته سپينې شولې
لږ راته تورو بَڼَورو کې رانجه راوړه
وشوې مودې چې سپينه ورځ ده رانه شپه کې ورکه
راځه چې وې ګورو، ډيوې دې له کاله راوړه
له باران وروسته د بوډۍ په ټال کې وځنګېدم
سپينه سپوږمۍ مې هم په غېږه کې له غره راوړه
مور ته مې وويل چې نن درته جوړه راوړمه
ويل يې نه، له ګاونډيانو کره اوړه راوړه
څرنګه به تش لاس له دښمن سره جنګېږې اوس؟
توره دې حيرانه ولې ځانه سره نه راوړه.
ډاکټر محمدحنيف حيران، کابل
۴- ۱۱-۹۲ ز
30.12.2013
- محمدحنيف حيران
خوږې ! زړه مې بیا په خپل قالب کې تـنګ دی خوږې ! کړې یې د تـــورو ستـرګو جنګ دی ژوند مې شمعه په خپل ځان بانـــدې را څــاڅي خـوږې ! وړې یـــې آزار د کــوم ملـــنــګ دی خوږې ! بیا بـــه د خپــل سېــورې لاندې ژاړم خـوږې ! بیا دې بــــدل کړي را نه څنـــګ دی خوږې ! ټول اوجود مې پاڼه غــوندې رېــږدي خوږې ! بیا دې د بنــګــړیــو شور شرنـګ دی خوږې ! ګـــوره شاعـــري ده تــوري ناڅـــي...
21.02.2014
- محمدحنيف حيران
بېګاه دې چا راته بېخي ډېره ستاينه وکړهستا په خاطر ترېنه ما زر واره مننه وکړهد ازادۍ د ورځ په نوم مو وطن ونازاووکه وو محکوم خو بيا يې هم مونږه نمانځنه وکړهکنه پيدا يو مونږ د يو او بل تکميل لپاره؟ستا له ځواب سره مې سم بله پوښتنه وکړهزړه راته ويلې چې راځه بس نور يې نه يادووسره سلا شوو، سره ښه کلکه مو ژمنه وکړهد ژوند په نوم دغې دنيا ته يو راغلي واړه...
