يوې جينۍ باندې مين يم
لېونۍ باندې مين يم
د شپېلۍ وهل مې نه ده
په کوچۍ باندې مين يم
که د مينې په مذهب وي
بندګۍ باندې مين يم
کليواله مينه غواړم
په ښارۍ باندې مين يم
زما واړه واړه لاسونه
اوسپوږمۍ باندې مين يم
څه سپرلی سپرلی ځواني ده
ګل غوټۍ باندې مين يم
څه مې داغ داغ زړګی پوښتې
شين خالۍ باندې مين يم
سپينه خوله دې سپينه سوله
آزادۍ باندې مين يم
پېښورۍ راپسې مري خو
کابلۍ باندې مين يم
اسرافيل مې ځکه خوښ دی
چې شپېلۍ باندې مين يم
يم حیران څنګه يې پوی کړم
په کوچنۍ باندې مين يم
ــــــــــــــــــــــــــــــــــــــــــــــ
کابل دهمزنګ، ۱۴-۰۹-۲۰۱۱ ل کال.
19.09.2011
- محمدحنيف حيران
تر ژونده زيات دی، انتظار دومره دید يو نظر په بيه کار دومره دید مينې پېغلې ته سترګک که وهئ!روح مو ځانونو کې ايسار دومره دیپه رڼا ورځ يې هم وي ستوري پر سرهغه د خپل آسمان واکدار دومره دینږدې دي سترګې ترينه وغورځيږيتوبه! لېمو کې يې خمار دومره دیخدازده که نوم مې تر قيامته واخليزما پرې هسې اعتبار دومره دینه، تر رنجو يې تقدس زيات دیچاويل چې ستا د پښو غبار دومره دی...
04.10.2011
- محمدحنيف حيران
په ډېرې خواشینۍ سره مو خبر ترلاسه کړ چې ، د پښتو ژبې د نومیالي شاعـر، لیکوال اوژورنالیست ښاغلي احسان الله مهجور قدرمن پلار محترم ډګروال بسم الله خان او د پکتيا د اطلاعاتو او کلتور رييس شفا مشفق مور بي بي له دې فاني نړۍ څخه سترګې پټـې کړې . انآلله و انا اليه راجعون . موږ په داسې حال کې چې له ښاغلي مهجور اوله ښاغلي مشفق سره په دې لوی غـم کې ځان برابر شریک بولو ،دوی ته له متعال خداي څخه د مغفرت غوښتنه او کورنۍ ته یې د جمیل صبر غواړو. روح دې ښاد وي...
