ما ویل که شپه رڼا شي
مونږ به ووینو حالونه
دتیارو وحشت به لږ شي
څه تازه به شي خیالونه

دجګړی له تور وحشته
بیرته تم شول امیدونه
غوټی مړاوي په تیاروکې
ګالی شپي دجنګ اورونه

زمانه ګرده تاویږي
کړی لیدل ویني حالونه
توره شپه به هم رڼا شي
که پې تیر شي څوکلونه

موده لږ ده پاتی شوي
لنډوو اوږده مزلونه
مخکې درومی جوړ کاروان مو
مخکې ډیر دي کړاونه

رڼي سترګي شوي خیرني
خولا لولي تاریخونه
دواړه لاس یې پاکوي تل
ګرد وهلي ټول مخونه

غوړیدو ته نژدی شوي
تنکی هیلي مړاوي زړونه
پریږدي وسپړی نن پاڼي
جنګ وهلي ارمانونه