بار كه په خوشبو هم وي د ګل وجود
نه غواړي حالات يې مكمل وجود
زه ورته راغلى يم بيا هم ګوره
نه ښكاري صحرا ته ودان خپل وجود
څۀ د لېونتوب دوره مې تېره كړه
و مې خوړ ټول عمر په مزل وجود
وګوره اينې ته حيرانېږه مه!
څنګه پكې ښكاري ياره بل وجود
ټول پكې راټول كړمه واړۀ توري
ښه دى ستا ترسيم ته د غزل وجود
ما د خپلې مينې تر شا وغواړه
څومره مې له تاسره دى مل وجود
وۍ تپان كه هېر كړې وړې مړ به شي
نه يې پرېږدي بې له تا اجل وجود