نه توپ نه تيارې شته او نه زغرې په جومات كې
باداره بيا نو څه كوي لښكرې په جومات كې
بازانو ته د غرو به يې كوم زېرئ وي ورړئ
نن بيا نه وې په ځالو كې كوترې په جومات كې
دښمن كه د پكار وي په انګړ كې پيدا كيږي
حلوا چېرته پخيږي هلته ليرې په جومات كې
دا كونډې يتيمانې دا زموږ د پښتنو دي
هر چېرته چې قطار وينې سوالګرې په جومات كې
اې خدايه داسې وخت د ورور ولئ به كله راشي؟
چې يو ځاى وي (پايكپې) او (رېنجرې) په جومات كې
خو اوس زموږ خواهش په سينما كې پوره كيږي
يو وخت و ورېدې به مرغلرې په جومات كې
چې دا زموږ ولس وي او دا يو تر بل وژل وي
جلاله په خداى وابه ورې سندرې په جومات كې
19.01.2010
- محمدحنيف حيران
ځان به تر تا درسومه خو لږ وخت به غواړي ستا په اوربل کې به ګل ږدمه خو لږ وخت به غواړيچې وشرنګيږي نو خبر د غلامۍ راکوي دا زولنې به ماتومه خو لږ وخت به غواړي که د ډبرې غوندې سخت وي خېر دې وي دې ګرانې لار به ستا زړه ته درکومه خو لږ وخت به غواړيدومره سجدې خدای ته کومه چې تندی مې داغ شي تقديره تا به بدلومه خو لږ وخت به غواړيما چې ورياده کړه وعده نو جانان وويل راتهقراره! خدايګو چې درځمه...
20.01.2010
- محمدحنيف حيران
باد رالوتى، وتى نا خبر د شپول له حال يمه پړانك راپسې وتى غشى شاته دى غزال يمه
جنګ ته د مغرور ځي ګرد وهلى كاڼى نه اخلييار چې تېر شي باد به مې روښانه كړي چې لال يمه
ستا د دې مغرور قامت له سر پرېوتى تږى ومجوړ د هنر لوى كلال له خاورې د زوال يمه...
