چې جنازه يې د بلال وليده/ کوچني بلال ته چې څه موده وړاندې شهيد شو

 د حيدري چغې نارې
د خوګياڼيو سنګر ولړزاوه
معصوم بلال الله اکبر نارې کړې
کوچني غازي د غره په سر نارې کړې
خلکو لاسونه تر غوږونو يوړل
او زمکه ولړ زېده
د خوږ نبي (ص) د بعثت ياد تازه شو
او د بلال د اذان خوږ ترنم
يو وارې بيا ژوندی شو
خو يو ناڅاپه سرې لمبې بلې شوې
او له لمبو نه وروسته توره شپه شوه
وحشي بمبار له سرو لمبو نه شاته
يو څو تنکي تنکي ځوانان ووژل
ونې بې ساه وې مرغو شور نه کاوه
زمکه پرته وه آسمان تور خوټيده
او ملکې شوې ترهېدلې پاتې
چې جنازه يې د بلال وليده
دوی شوې حيرانې غاښ نيولې پاتې
خپلوځايونو باندې شلې پاتې
ټولو دا يو سوچ کاوه
چې دا انسان شهيد دی
 که ملکه دآسمان!
که پرښته دآسمان !.

 

خوست _٣آګست ٢٠٠٩