تا ئې ملاتړ وكړو جانــــانه گني څه ســــــــــړى و
بغير له تـــانه رقيـــــب چرته د پنــــــځه ســــــړى و
چې د په ژوند اهميـــت رانكړ بيا څه پـــــكار ده
وروسته له مرګه خو هر څوك وائې چې ښه سـړى و
ستا د عزت خيال ئې ســـاته له مرګي نه يـــــريده
داسې و نه وائې چې ستا مئين بې زړه ســـړى و
په ليونو كې د حساب كړ او د چم د ورك كــړو
دا يو خــو و چې د ژوندي او هم د مړه ســړى و
د هجر اور ايره ،ايره كړ خو ئې اف وؤ نـــه وې
ستا مئين كلي كې لوى شوى و د غره ســړى و

ستا د غمونو ميلمانه ئې ډير په ميـــنه زغمـــل
ياد به لرې چې ستا درمان هم څه ميړه ســـړى و