په ياد کې دې سندره او ټپه راسره ژاړي
بلا ستوري راکوز شي ټوله شپه راسره ژاړي
چې کله دې ياغي،باغي انځور پر کاغذ کاږم
جونګړه غريو نيولي وي ډيوه راسره ژاړي
په دې سوي ځوانۍ راسره ډيرو اوښکې توی کړې
حيران يم چې جانان مې ولې نه راسره ژاړي
ملګرو انسانيت او حيوانيت دې بريد ته راغلل
شپانه له پاڼ ګوذار کړمه ليوه راسره ژاړي
بهار وم دحالاتو خزان پاڼې،پاڼې توی کړم
داځکه دسندرو پرښته راسره ژاړي
ساجد بهار خوست