او ځان مرور هم ساتي/ مروت

ديدن د سر په بدله غواړي او سر هم ســــــاتي
ګټه مني خو د تاوان نه ځان اکثر هم ســــــاتي
هغه مغرور که ځان د سر د پاسه سر ګڼــــي څو
خو غر که جګ وي نو په سر رهګرز هم ســـاتي
زار شم د خوار د حوصلي په دې نفسي دور کې
اسلام پالي او پښتو هم، خو خپل ټبر هم ساتي
د دې سړي د پېغمبر په لباس مه تېر وځــــــــــــــــه
په خوله کې ژبه لکه قند ترخ کې خنجر هم ساتي
ما هم خوشال ساتي رقيب له ګوتو هم نه باســـي
لالی د امن هم قايل دی ولې شر هم ســــــــــــــاتي
دا د ځان قدر زياتوي عمر دراز مروتــــــــــــــــــــــه
دا چې انکار هم نکړي او ځان مرور هم ســــاتي.