اوس هم د چا ځان يمه اوس هم په چا ګران يمه
اوس هم د ښايسته جـــــانان ژوند يمه جانان يمه
ډېــر به پارولــــــي وي دې خاموشه ژوند زمـا
ستا دزلفو خوى لرم خير كه پريشان يــــــــــمه
بيــــــــا به مې ته غواړې خو نه به درستنېږمه
زه ستا د ځوانـــــــۍ غرور ځم درنه روان يمه
ولې دې په مړو سترګو خوله له بخته وغواړم
زه چې د تـــــــــقدير په سر ټكـــــى د امكان يمه
مل ستا د منزل ومه پاتې شومه هېر شومه
ستا له پښو لوېدلى پل ستا له لاسه وران يمه
خاورو لاندې پروت يمه ساه راكړه ژوندى مې كړه
زما د زړه ټوټې ګلې ستا دزړه سلطان يمه
22.05.2008
- محمدحنيف حيران
د چا د لپې نه دعا واخلم چې تورتمونو ته رڼا واخلم هسی کالبوت پرزمکه پرېوځمه په زړه مې وگرځوې ساواخلم هم به منصور شم هم به حق ووایم د دار کړۍ به له ملا واخلم بې تا مې هیڅ خندلي نه دي دښتيااوس په خندا شه چی خندا واخلم ساداته داسې څه چل نه دې دی زده ؟چې مې د زړه پرې مدعا واخلم سید نجیب الله سادات
...
26.05.2008
- محمدحنيف حيران
آيا تولسي د بيان د آزادۍ مور ده ؟ : اندېښمن ځاځی==========================په دې وروستيو کې د عالمانو شورا پريکړه کړې چې د هيواد په انځوريزو رسنيو کې دې د فساد مخه ونيول شي او هغه هندي سريالونه دې بند شي چې زموږ د ټولنې له اسلامي او کلتوري ارزښتونو سره اړخ نه لګوي . بس همدا پريکړه وه چې زمونږ د هيواد په شخصي انځوريزو غږيزو او چاپي رسنيو کې يې يوه غوغا را ولاړه کړه او د بيان د آزادۍ ځينو دعوه لرونکو د بيان د آزادې جنازه په اوږو واخيسته او داسې يې ښکاره...
