مينه: غزاوي وردګ
په زړونو كی ميشته يي ته
په سترگو كی نشه يي ته
په زلفو كی تياره يي ته
د روح سره خواله يي ته
خلوت كی دی صفا پرته
په ناز كی دی ادا پرته
هوس كی دی هوا پرته
په غیږ كی دی پناه پرته
ﺑڼو لاندی چاړه يی ته
ليلی- مجنون كيسه يی ته
په شونډو كی لمبه يی ته
سپرليو كی رنگه يی ته
قاصد ته دی ليكل نشته
آشنا په لور ليگــل نشته
فراق ته دی ازل نشته
وصال ته دی مزل نشته
وجود كی مي مهره يي ته
دقدر په څیر شپه يی ته
د خيال می معشوقه يی ته
د ميو ميكده يی ته
ضمير كی دی جفا نشته
په مخ كی دی ريا نشته
دنيا ته دی عقبی نشته
سوا له تا حيا نشته
دوزخ نه بچيده يی ته
ددوومنځ كی شعله يی ته
سكروټه يی شغله يی ته
په هر څه كی پرته يي ته
په لاره كی دی ﻣړ ارزم
په هر څه درته پړ ارزم
ستومانه په هر لوړ ارزم
لويدلی په هر ځوړ ارزم
\\\\\\\"غزاوی\\\\\\\" ته پيژندلی يی
ليمو باندی منلی يی
په ز ړه كی می ژوندئ مينی
گونگئ مينی گونگئ مينی