غزل

ــــــ

زه د ژوند د يوه بل پسرلي ښکار شوم

يو قدم مرګي ته لنډ شومه هوښیار شوم

دی روان کال کې مې پام لږ په زړه وکړه

هغه تېر کال درنه ډير ګرانې ازار شوم

درد څه ښکلي پرهرونه راته راکړل

لاله زار شوم لاله زارشوم لاله زار شوم

چې مې عمر څومره ډير شو همغومره

ژوند زما او زه د ژوند پر اوږو بار شوم

د سپيڅلې عشق احساس له برکته

يو شاعر شومه او ګډ په غزل زار شوم

زه دانش ترينه پر کومه لاره وځم

ستا د سترګو په هيندارو کې ايسار شوم