چــې تــــه د څـــه لپاره شوې او زه د څـــه لپــــاره
ای یــاره ! مونــــــږه دواړه شو خـــواږه د څه لپاره
تــر کســــو دې د سترګو رسیــــدل اسانه نــــه دي
اغــــزن سیمــــان دې تاؤ دي تـرې باڼـــه د څه لپاره
زمــا په یــو ځل سترګو اړولو دې اور واخـــیست
دا تـــا نو پــه لومـــړي ځـــل ، وکاتــه د څه لپــاره
چـــې غـــم د جـانــان ډوب نه شي، د میو په پیالو کې
ساقــــي! نو میــــخانې تــــه دي راتــــله د څه لپاره
ورځــــم له هغـــه ځایه مې سپوږمۍ ته لاس رسیږي
دا لارې جـــوړې شـــــوي دې ، په غره د څه لپاره
سپین سترګې خدای ته وګوره، دا ستـرګې توروه لږ
راوړي درتــــه مــا دي، نو رانجــــه د څــه لـــپاره
تر دې ځایه چې راغلې، بس لږ نور همت په کار دی
دانــــشه ! شوي په وره کې زړه نا زړه د څه لپاره
