کـــه مې زړه هر څومره ستړی شي، مور مــړی
بیـــا هم ستا غــــــــمونه وړلی شي، مـــور مړی
په ټــــوټې وجود مې نـــــــوی زخـــــم مه ږده !
خیر دی زوړ پرهر زغملی شي، مــــــــورمړی
مرګی حــــــق دی ، هر ځای یونیم انسانان مري
خــــــــو زمونـــــږه تمام کلی شي، مــــــورمړی
غم دا نه دی ، چې یوکس درنه مرګ وخــوري
غـــم خو دا دې چې مــور مړی شي،مـور مړی
پـــــه دې خــاوره غـــــیر تر ډیره پاتې نه دی
بس دا یو نــــیم پکې پـــړی شي ، مـــور مړی
دلتـــــــه نشتـــــه، د ژونـــدیــــو قـــــــدر نشته
هر چې ومــري نو ښاغــــلی شي ، مـــورمړی
دانـــــــــش تـاتـــه کوم سوغات دروړلی نه شي
خو زړه ستا ښپــــو ته شیندلی شي ، مـور مړی
