چـــی میـــنه نــه کو، محبت نه کوو څــه بـــه کـــوو
لــه دې حالاتــو بغـــاوت نــه کــوو ، څــه بــه کــوو
له لاس یــې نـه شو رانیــولی ، د پښتــو وطــــن دی
ښکلـو ته سترګو کې چې ست نه کوو، څه بــه کــوو
دیمــوکراسي ده ، هسې نـه چې بیا حالات شي بدل
استفــاده لــه دی فرصــت نه کوو، څــه به کــــــوو
مونږ به تر څو کینه پالو ، د خپلو زړونو پــــه کور
چې نفــرتــونو نه نفرت نــه کــوو، څــه بــه کـــوو
داسی هم نه کیږی، چې څنګ یو هسې ځان وښایو
یــو څه تمثــیل د شرافت نــه کــوو، څه به کـــــوو
تــمه د ګـــل لرو ، نـــــو ګــل ته رسیــــدو لــــپاره
چــې د اغــزیو نــزدیکت نــه کــوو، څه به کــــوو
بــلا غـــمونه دې پــه زړه شو میلــــمانه دانــشه!
اوس چـــې یې څه ناڅه عزت نه کوو، څه به کوو
