پخــــــــــــوا به په بلۍ سره راښکاره شوه لوپټـــــه
خـــو اوس نه بلۍ شته ، نه چاسره شته لوپټـــــــــه
په کـــلي کې يوه نيمه نجلۍ، ټکـــــرى په سر کړي
خو ښار کې جـــنازه شويده ، مړه شوه لوپټـــــــــه
د ډيرو په مزار باندې وخـــت بلې کړې ډيـــــــــوې
په ډيرو مقبــــرو باندې خوره شـــــوه لوپټـــــــــــه
د بم له يوه درز سره شور جوړ شو په ګودر کــې
منګى ټــوټې ټــوټې شو او لمبه شوه لوپټـــــــــــــه
اخر هم نادر ستا په غيږ کې ساه ورکړه اومړ شو
په وينو د دانش باندې دې ســـــره شوه لوپټــــــــه
